‘पीएमपी’च्या उत्पन्नात घट; गेल्या वर्षीच्या तुलनेत यावर्षी ऑक्टोबरअखेर उत्पन्नात २४ कोटी रुपयांची घसरण

‘पीएमपी’चे माजी अध्यक्ष ओमप्रकाश बकोरिया आणि सचिंद्र प्रताप सिंह यांनी सातत्यपूर्ण प्रयत्नांच्या माध्यमातून उत्पन्न वाढविण्याकडे सर्वाधिक लक्ष दिले होते. तोट्यातील मार्ग कमी करण्याबरोबरच प्रवाशांना विश्वासार्ह सेवा देण्याकडे अधिक लक्ष दिले गेले. त्यामुळे पीएमची प्रवासी संख्या वाढली आणि उत्पन्नातही वाढ झाली. मात्र, सध्याच्या अधिकाऱ्यांकडून पुन्हा दुर्लक्ष केले जात असून, प्रवासी संख्या व उत्पन्नाचे आकडे यांची पुन्हा घसरण सुरू झाली आहे. गेल्या वर्षी ऑक्टोबरपर्यंत पीएमपीला पाचशे कोटी रुपयांपेक्षा अधिकचे उत्पन्न प्राप्त झाले होते. मात्र, यंदा ऑक्टोबर अखेरपर्यंत हा टप्पा गाठता आला नाही.

मार्गावर फिरण्याचा अधिकाऱ्यांना विसर
पीएमपीच्या सर्व विभागप्रमुखांना एक डेपो दत्तक देण्यात आला होता. या डेपोच्या एका मार्गावर एका मार्गावर स्वतः अधिकाऱ्यांनी बसमधून फिरणे बंधनकारक करण्यात आले होते. त्या डेपोच्या अडचणी, मार्गावर उत्पन्न वाढविण्यासाठीच्या उपाययोजना करण्याचे आदेश त्यांना पीएमपी अध्यक्षांनी दिले होते. त्यामुळे सर्व अधिकारी मार्गावर फिरत होते. त्याचा धाक डेपो प्रमुख, वाहक व चालकांवर झाला होता. त्यामुळे पीएमपीचे उत्पन्न खूप वाढले होते. प्रवाशांना चांगली सेवा मिळत होती. पण, अध्यक्ष बदलल्यानंतर अधिकाऱ्यांचे बसमधून फिरणे बंद झाले. त्याचा फटका प्रवासी व उत्पन्नवाढीवर झाल्याचे दिसून येत आहे.
भिवंडी हादरलं! बालकाचे अपहरण करुन ६० हजार रुपयांत विक्री; शेजाऱ्यासह तिघांना अटक
उत्पन्न घटण्याची कारणे काय ?
■ ताफ्यातील बसचे ब्रेकडाउन कमी करण्याकडे पूर्ण दुर्लक्ष
■ बसच्या ताफ्यात नव्याने बस दाखल होण्यास विलंब
■ उत्पन्न वाढीसाठी अन्य पर्यायी स्रोतांचा वापरच नाही
■ प्रवासी वाढविण्याच्या दृष्टीने कोणतेही प्रयत्न नाहीत.
चिंताजनक! दररोज १४० महिलांचा कौटुंबिक छळाने मृत्यू; संयुक्त राष्ट्रांच्या संस्थांचे धक्कादायक निरीक्षण
‘पीएमपी’चे उत्पन्न
एप्रिल-मे २०२२ ४० कोटी रुपये
नोव्हेंबर-डिसेंबर २०२२ ४८ कोटी
रुपये मे-जून २०२३ ५४ कोटी रुपये
ऑक्टोबर २०२४ ४८ कोटी रुपये

पीएमपीचे उत्पन्न व प्रवासी संख्या
वर्षे प्रवासी संख्या उत्पन्न
जानेवारी ते ऑक्टोबर २०२३
एक कोटी २१ लाख १७ हजार
उत्पन्न-५०९ कोटी १९ लाख
जानेवारी ते ऑक्टोबर २०२४
एक कोटी १५ लाख ४२ हजार
उत्पन्न-४८५ कोटी ०९ लाख
नाशिकच्या पालकमंत्रिपदावरुन महायुतीत रस्सीखेच; तीनही घटकपक्षांचा दावा, वरिष्ठांकडे पदासाठी लॉबिंग
किती आहेत बस?
२०९० पीएमपी ताफ्यातील बस १६५० मार्गावर धावणाऱ्या बस

पीएमपीकडून उत्पन्न वाढविण्यासाठी विविध प्रयत्न सुरू आहेत. त्यासाठी मार्गावरील बसची संख्या देखील वाढविण्यात आली आहे. शाळांना सुट्ट्या, निवडणुकीच्या कामासाठी बस दिल्या होत्या. त्याचा देखील उत्पन्नावर परिणाम होते. ब्रेकडाउन कमी करण्यासाठी उपाययोजना केल्या आहेत. – दीपा मुधोळ-मुंडे, अध्यक्ष, ‘पीएमपी’