काठावर पास नाही ५ हजारांच्या लीडने जिंकलो, तुम्हाला शिवसेनेचं वादळ दाखवून देऊ, थोरवे तटकरेंवर बरसले

रायगड जिल्ह्यात महायुतीतील अंतर्गत वाद वारंवार चव्हाट्यावर येत आहे. शिवसेनेचे आमदार महेंद्र थोरवे व राष्ट्रवादीचे खासदार सुनील तटकरेंमध्ये जुंपली आहे. आता पुन्हा एकदा थोरवेंनी सुनील तटकरे यांच्यासह अदिती तटकरेंना इशारा दिलाय. सुनील तटकरेंनी महायुतीशी प्रतारणा करून पाप केले असा आरोप थोरवेंनी केलाय. यापूर्वी अदिती तटकरेंनी काठावर पास झाल्याचं म्हणत थोरवेंचा समाचार घेतला होता. यावर प्रत्युत्तर देत थोरवेंनी पुन्हा अदिती तटकरेंना देखील खडेबोल सुनावले.