अल खलिफा कंपनीच्या संचालकांविरोधात MPID कायदा व भारतीय न्याय संहितेअंतर्गत फसवणुकीचा गुन्हा दाखल

तेज पोलीस टाइम्स News Pune Kondhwa पुणे, दि. १८ मे २०२६ : हज आणि उमराह यात्रेच्या नावाखाली नागरिकांकडून लाखो रुपये घेऊन फसवणूक केल्याप्रकरणी अल खलिफा टूर्स अँड ट्रॅव्हल्सच्या संचालकांविरोधात कोंढवा पोलीस ठाण्यात गुन्हा दाखल करण्यात आला आहे. सदर गुन्हा भारतीय न्याय संहिता (BNS) कलम ३१६, ३१८, ६१ तसेच महाराष्ट्र ठेवीदारांच्या हितसंरक्षण कायदा (MPID Act) कलम ३ आणि ४ अंतर्गत नोंदविण्यात आला आहे. या गुन्ह्यात अमीर सरदार शेख, मिस्बा अमीर शेख, साबीर रियाझ शेख व इतर आरोपींचा समावेश आहे. पीडितांच्या शिष्टमंडळाने अ‍ॅड. तोसिफ शेख यांच्या नेतृत्वाखाली पोलिस उपायुक्त (DCP) विवेक मसाल यांची भेट घेतल्यानंतर त्यांच्या निर्देशानुसार आर्थिक गुन्हे शाखेने (EOW) हा गुन्हा दाखल केला आहे. तक्रारदारांच्या म्हणण्यानुसार, अनेक निष्पाप नागरिकांकडून हज आणि उमराह यात्रेच्या नावाखाली मोठ्या प्रमाणात पैसे घेण्यात आले, मात्र त्यांना आश्वासित सेवा देण्यात आल्या नाहीत किंवा चुकीची माहिती देऊन त्यांची फसवणूक करण्यात आली. अ‍ॅड. तोसिफ शेख यांनी या प्रकरणातील सर्व पीडितांना कोणतीही भीती न बाळगता पुढे येऊन पोलिसांकडे तक्रार व जबाब नोंदविण्याचे आवाहन केले आहे, जेणेकरून आरोपींविरोधात कठोर कायदेशीर कारवाई करता येईल. या प्रकरणाचा पुढील तपास सुरू आहे. अ‍ॅड. तोसिफ शेख संपर्क : ९८६०९०७३५७