“झुंड चीं गांजेवाली”

गाँजेवाली या आगळ्यावेगळ्या भुमिकेला न्याय देणारी एक गुणी अभिनेत्री वैभवी आनंद या सध्याच्या गाजत असलेल्या नागराज मंजुळे यांच्या झुंड या हिंदी चित्रपटात दिसत आहे. वैभवीने अत्यंत आत्मियतेने ही भूमिका वठवली आहे जी प्रेक्षकांचे मन सहजच आकर्षून घेत आहे. या भूमिकेला दाद मिळत आहे.

कमी वयातच त्यांनी आपल्या वयाच्या दुप्पट असणाऱ्या भूमिका साकारल्या आहेत. त्यांनी ललित कला केंद्र येथून नाट्यशास्त्र पदवी घेतलेली असून ,अनेक व्यावसायिक मराठी/ हिंदी नाटकात टेलिव्हिजन मालिका यामध्येही अभिनेत्री म्हणून काम केले आहे. आता वयाअनुरुपही एखादी चांगली भूमिका करता यावी असा त्यांचा मानस आहे.

सैराट’, फॅन्ड्री या चित्रपटातही त्यांनी चपखल भूमिका बजावली होती. ‘सैराट” मधील परशाच्या आईची भूमिका प्रेक्षकांच्या मनात ठसली आहे.

त्या आता जयप्रद देसाई यांच्या आगामी सिनेमा (हिंदी) कौन प्रवीण तांबे.? तसेच प्रकाश कुंटे यांच्या आगामी मराठी सिनेमा “शक्तिमान”मध्ये महत्वाच्या भुमिकेत दिसणार आहेत. पुढ़ील अनेक सामाजिक आशय असलेल्या विविध भुमिका येत आहेत.