Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
प्रकाश झा यांच्याशी घटस्फोट, त्यापूर्वी या अभिनेत्यासोबत जोडलं गेलं होतं दीप्ती नवल याचं नाव
मुंबई : बॉलिवूडमध्ये ७० ते ८० च्या दशकातील प्रसिद्ध अभिनेत्री दीप्ती नवल त्यांचा ७१ वा वाढदिवस साजरा करत आहेत. दीप्ती यांचा जन्म ३ फेब्रुवारी १९५३ रोजी अमृतसरमध्ये झाला. दीप्ती यांनी अभिनेत्री म्हणून नाटकांमधून काम करायला सुरुवात केली. त्यानंतर दीप्ती यांनी सिनेमाविश्वाची वाट निवडली. परंतु त्या कायम नॉन ग्लॅमरस, आर्टट सिनेमांमध्ये काम केलं.
दीप्ती यांच्या वडिलांना वाटत होतं की त्यांच्या मुलीनं चित्रकार व्हावं. परंतु दीप्ती यांना नाटकांमध्ये रस होता. त्यामुळे त्यांनी अभिनयाचा मार्ग स्वीकारला. त्यांनी आपल्या सिनेकरीअरची सुरुवात १९७८ मध्ये जुनून सिनेमातून केली. सिनेमाचं दिग्दर्शन श्याम बेनेगल यांनी केलं होतं. या सिनेमाला सर्वोत्कृष्ट सिनेमाचं फिल्मफेअर अॅवॉर्ड मिळालं होतं. परंतु दीप्ती यांना खरी ओळख मिळाली ती चश्मे बद्दूर सिनेमामुळे. या सिनेमात दीप्ती यांनी डिटर्जेंट पावडर विकणाऱ्या सेल्स गर्लची भूमिका साकारली होती.
दीप्ती यांनी अभिनयाचा कोणतंही प्रशिक्षण घेतलं नव्हतं. मात्र दीप्ती यांनी त्यांच्या अभिनयानं स्वतःची वेगळी निर्माण केली. ८० च्या दशकामध्ये त्यांनी प्रेमळ मुलगी, नेक्ट डोर गर्ल या भूमिका साकारल्या होत्या. त्यांनी सिनेविश्वात एक काळ खूपच गाजवला होता. परंतु दीप्ती यांच्या आयुष्यात एक खडतर काळही आला होता. त्या काळामुळे नैराश्येचा सामना करावा लागला होता.
सेक्स रॅकेट चालवण्याचा झाला आरोप
दीप्ती यांच्यावर सेक्स रॅकेट चालवण्याचा अत्यंत गंभीर आरोप झाला होता. चश्मेबद्दूर सिनेमा यशस्वी झाल्यानंतर त्या मुलाखत देत होत्या. तेव्हा त्यांच्या सोसायटीमधील लोक त्यांच्या घरी धडकले आणि हे सर्व बंद करण्याच्या धमक्या देऊ लागले. दुसऱ्या दिवशीच्या पेपरमध्ये दीप्तीवर त्या सेक्स रॅकेट चालवण्याचा आरोप झाल्याच्या बातम्या आल्या होत्या. असा आरोप झाला कारण दीप्तीच्या घरी सातत्यानं पार्ट्या व्हायच्या आणि त्याला पत्रकारांना बोलावले जायचे.
त्यानंतर दीप्तीनं मीडियासमोर येत सर्व आरोप फेटाळून लावले. त्यानंतर त्यांनी ते घर सोडले. तिथं त्या ३० वर्षांहून अधिक काळ रहात होत्या. दीप्तीनं केलेल्या खुलाशानंतर काही काळानं त्यांना काम मिळणं बंद झालं होतं. त्यामुळे त्या डिप्रेशनमध्ये गेल्या होत्या.
तो खास क्षण आलाच! अभिनेत्री वनिता खरात अडकली विवाहबंधनात, चाहत्यांकडून शुभेच्छांचा वर्षाव
प्रकाश झा यांच्याशी झालं होतं लग्न
दीप्ती यांनी १९८५ मध्ये प्रसिद्ध सिनेमा दिग्दर्शक प्रकाश झा यांच्याशी लग्न केलं. त्यानंतर १९९१ मध्ये दोघांनी दिशाला दत्तक घेतलं. परंतु १७ वर्षांच्या संसारानंतर त्या दोघांचा घटस्फोट झाला. प्रकाश झा यांच्याशी लग्न होण्याआधी दीप्ती याचं नाव फारुख शेख यांच्याशीही जोडलं गेलं होतं. प्रकाश झा यांच्यानंतर दीप्ती यांच्या आयुष्यात पंडित जसराज यांचा मुलगा विनोद पंडित आले. त्या दोघांचा साखरपुडा देखील झाला होता. परंतु लग्न होण्याआधीच विनोद यांचं कॅन्सरनं निधन झालं.