फोन चोरीला गेल्यावर बँक डिटेल्स कसे वाचवाल? या स्टेप्स करा फॉलो नाहीतर होईल आणखी नुकसान

​तुमचे सिम कार्ड ब्लॉक करा

तर कधीही तुमचा फोन हरवल्यास सर्वात पहिली गोष्ट करायची ती म्हणजे सिम कार्ड ब्लॉक करायचं. तुमच्या फोन नंबरचा गैरवापर होणार नाही याची काळजी घेणे हे सर्वात महत्त्वाचे आहे. सिम कार्ड ब्लॉक केल्यामुळे फोनवरील प्रत्येक असं अॅप ब्लॉक होतं ज्यात OTP द्वारे प्रवेश केला जाऊ शकतो. तुम्ही नेहमी नवीन सिम कार्डवर गॅलरीतून घेऊन पुन्हा तुमचा चोरीला गेलेला नंबर मिळवू शकता. याला काहीसा वेळ लागू शकतो, पण तुमचा फोन त्यातील महत्त्वाचे अॅप्स सुरक्षित ठेवण्याकरता लवकरात लवकर सिम कार्ड ब्लॉक करणं गरजेचं आहे.

​​वाचाःफास्ट चार्जिंग फीचर तुमच्या स्मार्टफोनसाठी किती फायद्याचं किती तोट्याचं?

मोबाईल बँकिंग सेवा बंद करा

फोन चोरल्यावर चोर तुमच्या बँकेचे तपशील सहज मिळवू शकतात, त्यामुळे अशा वेळी बँक सेवा बंद करणे अत्यंत आवश्यक असते. तुमचे मोबाईल बँकिंग अॅप हे नोंदणीकृत नंबरवर OTP शिवाय कोणताही व्यवहार करु शकत नाी. त्यामुळे फोन हरवला किंवा चोरीला गेला सिम कार्डसह मोबाईल बँकिंग सेवा लगेच ब्लॉक केल्या पाहिजेत.

​वाचाःPhone Hacked: ‘या’ पाच गोष्टी होत असतील तर समजा हॅक झालाय तुमचा फोन, होऊ शकतो मोठा तोटा

UPI पेमेंट डिअॅक्टिव्हेट करा

मोबाईल चोरीला गेल्यावर थोडावेळी वाट पाहणं तुम्हाला आणखी महाग पडू शकतं. एकदा तुम्ही फोन चोराला ऑनलाइन बँकिंग सेवांचा प्रवेश नाकारल्यानंतर, चोर UPI पेमेंट सारख्या इतर फीचर्सद्वारे चोकी करण्याचा प्रयत्न करू शकतो. त्यामुळे याकडेही तातडीने लक्ष देण्याची गरज आहे. त्यामुळे फोन चोरीला होताच UPI पेमेंट ही लवकरात लवकर डिअॅक्टिव्हेट करा.

​​​वाचा:घराचं होईल थिएटर! Home Theater घ्यायचा विचार करताय? १० हजारांच्या आत हे आहेत बेस्ट ऑप्शन

​

सर्व मोबाईल वॉलेट ब्लॉक करा

मोबाईल वॉलेट्सने जीवन अत्यंत सोपे केले आहे. पण तुमचा फोन चुकीच्या हातात पडल्यास गुगल पे आणि पेटीएम सारखे मोबाईल वॉलेट तुम्हाला आणखी नुकसान करुन देऊ शकतात. अशावेळी संबंधित अॅपच्या हेल्प डेस्कशी संपर्क साधायला हवा.तसंच तुम्ही नवीन डिव्हाइसवर पुन्हा वॉलेट सेट करेपर्यंत कोणालाही या सेवेत प्रवेश दिला जाणार नाही याची खात्री करुन घेणं गरजेचं आहे.

​वाचा :जबरदस्त कॅमेरा, 80W फास्ट चार्जिंग! One Plus 10 Pro फोनवर धमाकेदार डिस्काउंट, १७ हजार वाचवण्याची संधी

पोलिसांकडे जा आणि तक्रार नोंदवा

एकदा तुम्ही वर नमूद केलेल्या सर्व स्टेप्स फॉलो केल्या नंतरतुमच्या चोरीला गेलेल्या डिव्हाइसची माहिती अधिकार्‍यांना देणे देखील आवश्यक आहे. तुम्ही जवळच्या पोलिस स्टेशनमध्ये फोन चोरीची तक्रार नोंदवू शकता आणि त्यांच्याकडून एफआयआरची प्रत देखील घेऊ शकता. जर तुमच्या फोनचा गैरवापर झाला असेल किंवा तुमच्या फोनद्वारे तुमचे पैसे चोरीला गेले असतील तर ही प्रत तुमच्यासाठी पुरावा म्हणून उपयुक्त ठरेल.

​वाचा :iPhone 14 ऑनलाईन स्वस्त मिळेल का ॲपल स्टोरमध्ये? वाचा सविस्तर​