Vaccination In Maharashtra: महाराष्ट्रात पाच कोटी लसवंत!; ही विक्रमी कामगिरी करणारं दुसरं राज्य

मुंबई: करोना प्रतिबंधात्मक लसीकरण मोहिमेत सोमवारी सायंकाळी सहा वाजेपर्यंत ६ लाख ८ हजार नागरिकांना लस देण्यात आली. त्यामुळे राज्यात या मोहिमेत दिलेल्या एकूण डोसेसची संख्या ५ कोटींवर गेली आहे. देशभरात उत्तर प्रदेश पाठोपाठ महाराष्ट्राने ही विक्रमी कामगिरी केली आहे. ( Vaccination In Maharashtra Latest Update )

वाचा:करोना: मुंबईकरांना मोठा दिलासा; पाहा, मुंबई ठाण्यात अशी आहे ताजी स्थिती!

राज्यात १४ ऑगस्ट रोजी राज्यात एकाच दिवशी ९ लाख ६४ हजार ४६० नागरिकांना लस देऊन महाराष्ट्राने आतापर्यंतची सर्वाधिक संख्या नोंदविली होती. सोमवारी झालेल्या लसीकरण सत्रांमध्ये सायंकाळी सहा वाजेपर्यंत ६ लाख ८ हजार नागरिकांचे लसीकरण झाले, असे आरोग्य विभागाचे अपर मुख्य सचिव डॉ. प्रदीप व्यास यांनी सांगितले.

वाचा:मॉलमध्ये लहान मुलांना असा मिळणार प्रवेश!; राज्य सरकारचा सुधारित आदेश

राज्याचे आरोग्यमंत्री राजेश टोपे यांनी या कामगिरीसाठी आरोग्य यंत्रणेचे अभिनंदन केले आहे. करोना प्रतिबंधात्मक लसीकरण मोहिमेत सोमवारी ६ लाख ८ हजार नागरिकांना लस देण्यात आली. त्यासोबतच राज्यात एकूण डोसेसच्या संख्येने ५ कोटींचा टप्पा पार केला असून उत्तर प्रदेश पाठोपाठ देशात महाराष्ट्राने ही विक्रमी कामगिरी केली आहे. यासाठी आरोग्य यंत्रणेचे विशेष कौतुक आहे, असे राजेश टोपे यांनी नमूद केले.

वाचा: धक्कादायक: प्रियकराचा लग्नास नकार; प्रेयसीने लॉजवर बोलवून केले ‘हे’ भयंकर कृत्य

दरम्यान, कोविड लसीकरण मोहिमेत महाराष्ट्राने सुरुवातीपासूनच आघाडी घेतलेली आहे. लसीकरणाच्या सुरुवातीच्या टप्प्यांत राज्याचा सातत्याने पहिला क्रमांक राहिला आहे. पुरेसा लसपुरवठा न झाल्याने अनेकदा मुंबई, पुण्यासारख्या महानगरांत लसीकरण थांबवावे लागले आहे. या स्थितीतही राज्याने पाच कोटी नागरिकांना आतापर्यंत लस देऊन लसीकरणाचा मोठा टप्पा गाठला आहे.

वाचा:महाराष्ट्रात पुन्हा लॉकडाऊनची शक्यता आहे का? राष्ट्रवादीच्या मंत्र्याने दिलं थेट उत्तर