हुक्का पार्लर व 3 पत्ती जुगार अड्ड्यावर पुणे शहर सामाजिक सुरक्षा विभाग गुन्हे शाखेचा छापा,10 जण पोलिसांच्या जाळ्यात

पुणे,दि.२८ :- पुणे शहर परिसरातील अॅमनोरा पार्क, हडपसर परीसरात बेकायदेशीरपणे एका ठिकाणी काही इसम तीन पत्ती.व तीन पानी रम्मी जुगार खेळत व खेळवत असलेल्या जुगार अड्ड्यावर तसेच हुक्का पार्लर वर पुणे शहर गुन्हे शाखेच्या सामाजिक सुरक्षा विभागाने छापा टाकला.या कारवाईत पोलिसांनी १० जणांनान ताब्यात घेऊन ५ लाख ५७ हजार ७२० रुपयेचा मुद्देमाल जप्त केला. ही कारवाई सोमवार(दि.२७) रोजी केली आहे. हडपसर पोलिस ठाणे च्या हद्दीमध्ये बेकायदेशीरपणे जुगार खेळत व खेळवत असल्याची गोपनीय माहिती पथकाला मिळाली. त्यानुसार पाळत ठेऊन पोलिसांनी छापा टाकला असता काही जण पैशांवर जुगार खेळताना आणि खळवत होते. पोलिसांनी १० जणांना ताब्यात घेऊन रोख रक्कम तसेच जुगाराचे साहित्य असा एकूण ५ लाख ५७ हजार ७२० रुपये किमतीच्या मुद्देमाल जप्त करण्यात आला. याप्रकरणी १० जण जुगार खेळताना मिळुन आलेले विरूध्द हडपसर पोलीस स्टेशन येथे गुन्हा नोंद करण्यात आला व त्यांना पुढील कारवाई करीता हडपसर पोलीस स्टेशनच्या ताब्यात देण्यात आले आहे.सदरची कारवाई पुणे शहर पोलीस आयुक्त, रितेश कुमार, सह पोलीस आयुक्त संदिप कर्णिक, अपर पोलीस आयुक्त गुन्हे. रामनाथ पोकळे, पोलीस उप आयुक्त गुन्हे अमोल झेंडे यांचे आदेश व मार्गदर्शनाखाली सामाजिक सुरक्षा विभागाचे वरिष्ठ पोलीस निरीक्षक, भरत जाधव तसेच सपोनि. अनिकेत पोटे, सपोनि. राजेश माळेगावे, पोलीस अंमलदार राजेंद्र कुमावत, तुषार भिवरकर, सागर केकाण, अमय रसाळ, हणमंत कांबळे, संदीप कोळगे, अमित जमदाडे, किशोर भुजबळ या पथकाने यशस्वी केली आहे..

Thank you for reading this post, don’t forget to subscribe!