गोव्यातून आणलेला पावणे चार लाखांचा विदेशी मद्यसाठा पुण्यात जप्त

पुणे,दि.२९ :- गोव्यातून पुण्यात विक्रीसाठी आणलेला तीन लाख ७४ हजार रुपये किमतीचा विदेशी मद्यसाठा जप्त केला. तळेगाव दाभाडे पोलिसांनी सोमवारी (दि. २८) रोजी दुपारी पावणे चारच्या सुमारास जुना पुणे-मुंबई महामार्गावार ही कारवाई केली.
मधुकर मोतीराम शिरसाट (वय ४०, रा. प्रेमलोकपार्क, चिंचवड. मूळ रा. दळवीनगर झोपडपट्टी, चिंचवड) याच्या विरोधात पोलिसांनी गुन्हा दाखल केला. याप्रकरणी पोलीस अंमलदार विकास तारू यांनी तळेगाव दाभाडे पोलिस ठाण्यात फिर्याद दिली. पोलिसांनी दिलेल्या माहितीनुसार, मधुकर शिरसाट याने अवैधरीत्या गोवा राज्यातून पुण्यात विदेशी मद्यसाठा विक्रीसाठी महाराष्ट्रात आणला होता.
याबाबत गोपनीय माहिती पोलिसांना मिळाली असता तळेगाव दाभाडे पोलिसांनी कारवाई केली. यावेळी मधुकर शिरसाट हा अवैधरित्या आणलेल्या मद्याची वाहतूक करताना मिळून आला. पोलिसांनी या कारवाईत ३ लाख ७४ हजार २०० रुपये किमतीचा मद्यसाठा जप्त केला.व पुढील तपास तळेगाव दाभाडे पोलिस करत आहे

Thank you for reading this post, don’t forget to subscribe!