मी घेतलेली भूमिका बरोबरच त्यामुळे मला आमदारांचा पाठिंबा, अजितदादांनी शरद पवारांना डिवचलं

वेगळी भूमिका घेतल्याच्या मुद्द्यावरून बोलताना उपमुख्यमंत्री अजित पवार म्हणाले की, याबाबतची भूमिका घेत असताना वर्षभर चर्चा चालू होत्या. आज जवळपास ५३ पैकी ४३ आमदार येतात. २ अपक्ष आमदार पाठिंबा देतात. विधान परिषदेचे ६ आमदार येतात याचाच अर्थ मी घेतलेली भूमिका बरोबर आहे. म्हणूनच हे सर्व माझ्याबरोबर येतात. कोणालाही दमबाजी मी केली नाही, असं म्हणत अजित पवारांनी घेतलेल्या भूमिकेचे समर्थन केले.

प्रत्येकाचा एक काळ असतो. जास्त वय झाल्यानंतर तुम्ही आराम करा. आशीर्वाद द्या. तुमच्या अनुभवाचा आम्हाला सल्ला द्या, असं म्हणत उपस्थित कार्यकर्त्यांना सर्वांनी मन लावून एकजुटीने काम करण्याचा सल्ला अजित पवार यांनी दिला. तसेच जीवाला जीव देणारे माझे अनेक कार्यकर्ते आहेत. त्यांच्या सुखदुःखात नेहमीच मी सहभागी असतो. हे चांद्यापासून बांधापर्यंत सर्वांनाच माहिती आहे. अशा कार्यकर्त्यांना मी कधीच अंतर देत नाही.