Tej Police Times
नवरा-सासूकडून विवाहितेचा शारीरिक छळ, हातपाय ओढणीने बांधून तळ्यात फेकलं; पुणे हादरलं
पुणे : पुण्यातील बारामती शारिरिक व मानसिक छळ करत विवाहितेचे हातपाय ओढणीने बांधत तिला शेततळ्यात बुडवून तिचा खून केल्याचा प्रकार बारामती तालुक्यातील मासाळवाडी येथे घडला. या प्रकरणी सासरच्या चार जणांविरोधात बारामती तालुक्यातील वडगाव निंबाळकर पोलीस ठाण्यात गुन्हा दाखल करण्यात आला आहे. याप्रकरणी पोलिसांनी चार जणांना अटक केली आहे. या घटनेनं बारामतीत खळबळ उडाली आहे.
सुरेखा भाऊसाहेब गडदरे असं खून झालेल्या महिलेचं नाव आहे. या प्रकरणी पती भाऊसाहेब महादेव गडदरे, सासू ठकूबाई महादेव गडदरे (रा. मासाळवाडी), नणंद आशा सोनबा कोकरे व नंदावा सोनबा चंदर कोकरे (रा. कुतवळवाडी, ता. बारामती) या चौघांना पोलिसांनी अटक केली आहे. या प्रकरणी नामदेव बबन करगळ (रा. गिरीम, ता. दौंड) यांनी वडगाव पोलिसांत फिर्याद दाखल केली.
सुरेखा भाऊसाहेब गडदरे असं खून झालेल्या महिलेचं नाव आहे. या प्रकरणी पती भाऊसाहेब महादेव गडदरे, सासू ठकूबाई महादेव गडदरे (रा. मासाळवाडी), नणंद आशा सोनबा कोकरे व नंदावा सोनबा चंदर कोकरे (रा. कुतवळवाडी, ता. बारामती) या चौघांना पोलिसांनी अटक केली आहे. या प्रकरणी नामदेव बबन करगळ (रा. गिरीम, ता. दौंड) यांनी वडगाव पोलिसांत फिर्याद दाखल केली.
रविवारी (दि. २४) रोजी सकाळी सात वाजण्याच्या पूर्वी मासाळवाडीतील भगवान बिरा गडदरे यांच्या शेततळ्यात ही घटना घडली. फिर्यादीची मुलगी सुरेखा हिला या चौघांनी शारिरिक, मानसिक छळ करत त्रास दिला. पती भाऊसाहेब व सासू ठकूबाई यांनी तिचे दोन्ही हात लाल रंगाच्या ओढणीने बांधून घराजवळील शेततळ्यात तिला पाण्यात बुडवून मारलं असल्याचं फिर्यादीत म्हटलं आहे. सहाय्यक पोलीस निरीक्षक सचिन काळे यांच्या मार्गदर्शनाखाली पोलीस उपनिरीक्षक सोनवलकर अधिक तपास करत आहे.
गॅस फुग्याच्या सिलिंडरचा अचानक स्फोट, सिलिंडर हवेत उंच उडाला अन् चिमुकल्याने जीव गमावला