Tej Police Times
कंपनीला लाभ मिळवून देण्यासाठी लाच मागितली, गुप्त माहितीवरून सीबीआयनं सापळा रचला, सहा जण जाळ्यात
नागपूर: कंपनीला लाभ मिळवून देण्यासाठी लाच घेणाऱ्या पेट्रोलियम अॅण्ड एक्सप्लोझिव्ह सेफ्टी ऑर्गनायझेशनच्या (पेसो) दोन अधिकाऱ्यांसह चौघांना सीबीआयने अटक केली. सीबीआयच्या पथकाने चौघांच्या घराची झडती घेऊन तब्बल दोन कोटी १५ लाखांची रोख जप्त केली. उपमुख्यनियंत्रक अशोककुमार दलेला, विवेककुमार (रामनगर) तसेच राजस्थानच्या चितौडगढमधील रावतभाटा येथील मेसर्स सुपर शिवशक्ती केमिकल प्रायव्हेट लिमिटेड कंपनीचे संचालक देवीसिंग कछवाह आणि मध्यस्थ प्रियदर्शन दिनकर देशपांडे (लेक व्ह्यूव्ह अपार्टमेंट, हिंगणा टी पॉइन्टजवळ),अशी अटकेतील लाच घेणाऱ्यांची नावे आहेत. गुप्त माहितीच्या आधारे सीबीआयच्या (लाच लुचपत प्रतिबंधक विभागाने) ही कारवाई केली.
सीबीआयच्या सूत्रांकडून मिळालेल्या माहितीनुसार, कछवाह यांची सुपर शिवशक्ती कंपनी इलेक्ट्रॉनिक डिटोनेटरचे उत्पादन करते. पेसोने या कंपनीला परवाना दिला असून या कंपनीत ४०० पेक्षा अधिक श्रमिक काम करतात. कछवाह यांना कंपनीची उत्पादन क्षमता वाढवायची होती. यासाठी त्यांनी पेसोकडे अर्जही केला. पेसोचे काही अधिकारी मध्यस्थ देशपांडेच्या माध्यमातून कंपनीला लाभ मिळवून देण्यासाठी लाच घेणार असल्याची माहिती सीबीआयलाच्या पथकाला मिळाली.
सीबीआयच्या सूत्रांकडून मिळालेल्या माहितीनुसार, कछवाह यांची सुपर शिवशक्ती कंपनी इलेक्ट्रॉनिक डिटोनेटरचे उत्पादन करते. पेसोने या कंपनीला परवाना दिला असून या कंपनीत ४०० पेक्षा अधिक श्रमिक काम करतात. कछवाह यांना कंपनीची उत्पादन क्षमता वाढवायची होती. यासाठी त्यांनी पेसोकडे अर्जही केला. पेसोचे काही अधिकारी मध्यस्थ देशपांडेच्या माध्यमातून कंपनीला लाभ मिळवून देण्यासाठी लाच घेणार असल्याची माहिती सीबीआयलाच्या पथकाला मिळाली.
सीबीआयच्या पथकाने गुप्तपणे याबाबत माहिती काढण्यास सुरुवात केली. कंपनीने मार्च २०२४ पर्यंत उत्पादन वाढविण्यासाठी अधिकाऱ्यांशी संपर्क केला. त्याऐवजी लाच देण्यात आल्याचे सीबीआयला कळाले. कछवाह हे बुधवारी विमानाने नागपुरात आले. बुधवारी सायंकाळी त्यांनी देशपांडे यांच्या मदतीने दलेला आणि विवेककुमार यांची भेट घेतली. दहा लाख रुपयांमध्ये चौघांमध्ये व्यवहार झाला. सेमिनरी हिल्स भागातील पेसो कार्यालयाजवळील एका झेरॉक्स सेंटरमध्ये देशपांडे व कछवाह हे दोघे उत्पादन वाढीचे दस्तऐवज तयारी असताना सीबीआयच्या पथकाने छापा टाकून दोघांना अटक केली.
चौकशी दरम्यान दलेला आणि विवेककुमार यांची नावे समोर आली. सीबीआयने त्यांनाही अटक केली. त्यानंतर सीबीआयने देशपांडे यांच्या घराची झडती घेतली. पथकाने त्यांच्या निवासस्थानाहून एक कोटी २५ लाख, विवेककुमार यांच्याकडून ९० लाख आणि दलेलांकडून दोन लाख ७८ हजार रुपये जप्त केले. सीबीआयच्या पथकाने गुरुवारी चौघांना विशेष न्यायालयात हजर केले. न्यायालयाने चौघांची ६ जानेवारीपर्यंत सीबीआय कोठडीत रवानगी केली.