गँगस्टर शरद मोहोळची हत्या, बॉडी ससूनमध्ये दाखल, रुग्णालयाबाहेर चारशे-पाचशे जणांचा जमाव

तृतीयपंथीयांच्या वेशात सहा जण शिरले, पुण्यातून निघालेल्या ट्रेनमध्ये दीड तास लुटीचा थरार
जखमी झालेल्या मोहोळवर कोथरूड परिसरातीलच एका खासगी रुग्णालयात उपचार करण्यात येत होते. शुक्रवारी दुपारी दीड वाजण्याच्या सुमारास हा प्रकार घडला. मात्र उपचारादरम्यान त्याने अखेरचा श्वास घेतला. गोळ्या झाडल्यानंतर आरोपी पसार झाले. घटनेची माहिती मिळताच कोथरूड पोलिसांचे पथक घटनास्थळी दाखल झाले असून तपास केला जात आहे.

गोव्याला जाणारी बस रद्द, ग्राहक मंचाचा रेडबसला दणका, प्रवाशाला नुकसान भरपाई देण्याचे आदेश
शरद मोहोळ पुण्यातील कुख्यात गुन्हेगार आहे. मोहोळवर हत्या, हत्येचा प्रयत्न, खंडणी, अपहरण यासारखे अनेक गुन्हे दाखल आहेत. पिंटू मारणे हत्येप्रकरणी त्याला अटक करण्यात आली होती.

कोण होता शरद मोहोळ?

शरद मोहोळ पुण्यातील कुख्यात गुन्हेगार होता. मोहोळवर हत्या, हत्येचा प्रयत्न, खंडणी, अपहरण यासारखे अनेक गुन्हे दाखल होता. पिंटू मारणे हत्येप्रकरणी त्याला अटक करण्यात आली होती. या खटल्यात तो जामिनावर बाहेर आला आणि दासवे गावचे सरपंच शंकर धिंडले यांचे अपहरण केल्या प्रकरणात त्याला पुन्हा अटक झाली होती.

येरवडा कारागृहात शरद मोहोळने विवेक भालेराव याच्या साथीने दहशतवादी कृत्यांमध्ये सहभागाचा आरोप असलेल्या कातिल सिद्दीकी याचा बर्मुडाच्या नाडीने गळा आवळून खून केला होता. या प्रकरणात शरद मोहोळला जामीन मिळाला. मात्र बाहेर आल्यानंतर त्याची गुन्हेगारी कृत्य सुरुच होती. जुलै २०२२ मध्ये त्याला पुणे जिल्ह्यातून सहा महिन्यांसाठी तडिपार करण्यात आले होते.

Read Latest Maharashtra Updates And Marathi News