अट्टल वाहनचोरट्यास वाशिम LCB पथकाने घेतले ताब्यात,मोटारसायकल चोरीचे अनेक गुन्हे केले उघड…

मोटार सायकल चोरी प्रकरणातील मुख्य आरोपीस स्थानिक गुन्हे शाखेकडून अटक, एकूण १२ मोटारसायकलसह ८ वाहनचोरीचे  गुन्हे केले उघड….

वाशिम(प्रतिनिधी) – सवीस्तर व्रुत्त असे की पोलिस स्टेशन  रिसोड येथे दाखल अप.क्र.७३९/२३, कलम ३७९ भादंवि मध्ये सहभाग निष्पन्न झालेला आरोपी विक्की साबळे, रा.धोडप बोडखे, ता.रिसोड, जि.वाशिम यास यापूर्वीच स्थानिक गुन्हे शाखेच्या पथकाने रिसोड हद्दीतून ताब्यात घेतले होते. त्याच्याकडून ६,५००००/- लक्ष रु च्या १० चोरीतील वेगवेगळ्या कंपनीच्या मोटारसायकली ताब्यात घेतल्या होत्या. सदर आरोपीकडे अधिक तपास केला असता त्याचेकडून सदर गुन्ह्यातील मुख्य आरोपी राजदीप उत्तम कांबळे, रा.रिसोड हा निष्पन्न झाला.
सदर गुन्ह्यातील मुख्य आरोपी  राजदीप उत्तम कांबळे, रा.रिसोड हा आजपावेतो फरार होता त्यास मिळालेल्या गोपनीय माहितीवरून वाशिम हद्दीतून ताब्यात घेऊन त्याच्याजवळून पोलिस स्टेशन व वाशिम शहर येथून चोरी गेलेल्या ०२ मोटारसायकल अंदाजे किंमत १ लाख रुपये हस्तगत करण्यात आल्या असून आतापर्यंत या दोन आरोपींकडून एकूण १२ मोटारसायकल अंदाजे किंमत ७५००००/-लक्ष रु. चा मुद्देमाल ताब्यात घेतला आहे. आरोपींकडून हस्तगत करण्यात आलेल्या मोटारसायकल मध्ये वाशिम जिल्ह्यातील ०७ मोटारसायकल चोरीचे गुन्हे उघड झाले असून अकोला जिल्ह्यातील मोटारसायकल चोरीचा ०१ गुन्हा उघड झाला आहे. सदर आरोपीस पुढील तपासकामी पोलिस स्टेशन वाशिम शहर यांच्या ताब्यात दिले आहे.

नागरिकांनी अश्या प्रकारचे गैरव्यवहार व संशयास्पद हालचाली लक्षात आल्यास त्याची माहिती तात्काळ पोलिस प्रशासनास द्यावी, असे आवाहन वाशिम जिल्हा पोलिस दलातर्फे करण्यात येत आहे.
सदर कामगिरी पोलिस अधीक्षक अनुज तारे ,अपर पोलिस अधीक्षक भारत तांगडे यांच्या मार्गदर्शनाखाली .रामकृष्ण महल्ले, पोलिस निरीक्षक, स्थानिक गुन्हे शाखा, वाशिम यांचे पथक सपोनि.जगदीश बांगर,पोहवा.गजानन झगरे, गजानन अवगळे, नापोकॉ.गजानन गोटे सर्व नेमणूक स्थानिक गुन्हे शाखा, वाशिम यांनी पार पाडली.