Tej Police Times
पीएमपीएमएलच्या प्रयत्नांना यश, डिझेलवर चालणारी बस विजेवर चालणार, ५० बसेस इलेक्ट्रिक होणार
म. टा. प्रतिनिधी, पुणे : पुणे महानगर परिवहन महामंडळाच्या (पीएमपी) ताफ्यातील डिझेलवर चालणारी मिडीबस इलेक्ट्रिक करण्यात यश आले आहे. इलेक्ट्रिकवर तयार केलेली ही मिडीबस मनपा ते कोथरूड मार्गावर प्रायोगिक तत्वावर चालविण्यास सुरूवात केली आहे. बसमधून प्रवास करणारे प्रवासी, चालक आणि वाहन यांचे अभिप्राय घेऊन पुढील बस इलेक्ट्रिकमध्ये रुपांतरीत करण्याचा निर्णय घेतला जाणार आहे.
पीएमपीच्या ताफ्यात एकूण २०८९ बस आहेत. यामध्ये फक्त २१६ बस डिझेलवर चालणाऱ्या आहेत. तर, इतर सर्व बस सीएनजी आणि इलेक्ट्रिकच्या आहेत. पीएमपी त्यांच्या ताफ्यातील सर्व बस प्रदुषण मुक्त बनविण्यासाठी डिझेलवरील २१६ मिडीबस देखील सीएनजी व इलेक्ट्रिक करण्याचा विचार पीएमपी प्रशासन करत होते. डिझेलवरील मिडीबस इंजिन दुरूस्तीचा खर्च वाढत होता. त्यामुळे काही बस देखील बंद पडत होत्या. त्यामुळे पहिल्या टप्प्यात ५० बस इलेक्ट्रिक करण्याचा निर्णय घेण्यात आला होता. त्यानुसार पीएमपीने प्रायोगिक तत्वावर एक मिडीबस इलेक्ट्रिक तयार करण्यात यश आले आहे. ही बस इलेक्ट्रिकमध्ये रुपांतरीत करून प्रत्यक्ष मार्गावर धावण्यास सुरूवात झाली आहे.प्रायोगिक तत्वावर संचालन सुरू
ठळक मुद्दे
पीएमपीच्या ताफ्यात एकूण २०८९ बस आहेत. यामध्ये फक्त २१६ बस डिझेलवर चालणाऱ्या आहेत. तर, इतर सर्व बस सीएनजी आणि इलेक्ट्रिकच्या आहेत. पीएमपी त्यांच्या ताफ्यातील सर्व बस प्रदुषण मुक्त बनविण्यासाठी डिझेलवरील २१६ मिडीबस देखील सीएनजी व इलेक्ट्रिक करण्याचा विचार पीएमपी प्रशासन करत होते. डिझेलवरील मिडीबस इंजिन दुरूस्तीचा खर्च वाढत होता. त्यामुळे काही बस देखील बंद पडत होत्या. त्यामुळे पहिल्या टप्प्यात ५० बस इलेक्ट्रिक करण्याचा निर्णय घेण्यात आला होता. त्यानुसार पीएमपीने प्रायोगिक तत्वावर एक मिडीबस इलेक्ट्रिक तयार करण्यात यश आले आहे. ही बस इलेक्ट्रिकमध्ये रुपांतरीत करून प्रत्यक्ष मार्गावर धावण्यास सुरूवात झाली आहे.
ई-बसला सर्व परवानग्या
पीएमपीने डिझेलवरील मिडीबस इलेक्ट्रिकमध्ये रुपांतरीत करण्याचे काम हैदराबाद येथील मेधा कंपनीला दिले होते. या कंपनीने साधारण एका वर्षात डिझेलवरील मिडीबस ही इलेक्ट्रिकमध्ये रुपांतरीत करण्यात आली आहे. या बसच्या चाचण्या व सर्व तपासण्याकरून प्रमाणपत्र घेण्यात आली आहेत. या बसला ऑटोमोटिव्ह रिसर्च असोसिएशन ऑफ इंडिया (एआरएआय), केंद्रीय रस्ते वाहतूक संस्था (सीआयआरआय) यांनी मान्यता दिली आहे. डिझेलवरील मिडीबस इलेक्ट्रिक करण्यास साधारण ६० लाख रूपये खर्च आला आहे. या पुढे मिडीबस इलेक्ट्रिक करण्यासाठी साधारण २० ते २५ लाख रुपये कमी खर्च येणार आहे. या बसला प्रादेशिक परिवहन विभागाकडे नोंदणी केली आहे.
प्रायोगिक तत्वावर संचालन सुरू
डिझेलची मिडी बस इलेक्ट्रिकमध्ये रुपांतरीत करून सर्व चाचण्या घेतल्यानंतर या बसचे संचालन मनपा ते कोथरूड या मार्गावर सुरू करण्यात आले आहे. या संचालनामध्ये प्रवाशांची मते, चालक, वाहन यांचा अनुभव पाहण्यात येणार आहे. सध्या ही बस कोथरूड डेपोमध्ये चार्जिंग केली जाते. या बसच्या चाचणीनंतर पुढील बस इलेक्ट्रिकमध्ये रुपांतरीत करण्याबाबत निर्णय घेतला जाणार आहेत. सध्या २१६ पैकी ५० मिडीबस सध्या बंद आहेत.
काय पो छे! पतंग अवघ्या २० सेकंदात कापली, अमित शाहांची तरुणाला भन्नाट रिअॅक्शन, व्हिडिओ समोर
ठळक मुद्दे
इलेक्ट्रिक बस बनविण्याचा कालावधी : एक वर्षे
ई-बसची रेंज : १५० किमी
ई-बसचा प्रतिकिलोमीटर साधारण खर्च : ०.७५ रूपये
ई-बस बनविण्यासाठी आलेला खर्च : ६० लाख
पुढील एक ई-बस बनविण्यासाठी येणारा खर्च : ३५ ते ४० लाख
मला भाजप प्रवेशाची ऑफर कुणी दिली त्याचं नाव सांगणार नाही, पण मी काँग्रेसच्या विचारांचा, पक्ष सोडणार नाही : सुशीलकुमार शिंदे
Read Latest Maharashtra News And Marathi News