Tej Police Times
विश्वजित कदम लोकसभेअगोदर पुण्यात पुन्हा सक्रिय, कार्यकर्त्यांशी संपर्काची नवी आयडिया
लोकसभा निवडणुकांच्या पार्श्वभूमीवर काँग्रेसची पश्चिम महाराष्ट्रातील लोकसभा मतदारसंघांची आढावा बैठक पुण्यातील काँग्रेस भवन येथे नुकतीच पार पडली. काँग्रेसचे महाराष्ट्राचे प्रभारी रमेश चेन्नितला यांच्यासह प्रदेशाध्यक्ष नाना पटोले, विधानसभेचे काँग्रेसचे गटनेते बाळासाहेब थोरात, विधानसभेचे विरोधी पक्षनेते विजय वडेट्टीवार, माजी मुख्यमंत्री पृथ्वीराज चव्हाण, शहराध्यक्ष अरविंद शिंदे, आमदार आणि माजी आमदार उपस्थित होते. या वेळी पुणे शहर लोकसभा मतदारसंघाच्या आढाव्याची माहिती देताना शहराध्यक्ष शिंदे यांनी कदम यांचा उल्लेख केला. कदम यांनी शहरातील संघटनेची नुकतीच बैठक घेतली. या बैठकीत त्यांनी ब्लॉक अध्यक्षांपासून ‘पन्ना’ प्रमुखांपर्यंतची सर्व माहिती घेतली.
कदम यांनी पुण्यातून २०१४मध्ये लोकसभा निवडणूक लढवली होती. या निवडणुकीत त्यांचा दारुण पराभव झाला. निवडणुकीतील कटू अनुभवानंतर त्यांनी शहर काँग्रेसपासून दोन हात दूर राहणेच पसंत केले. आता दहा वर्षांनंतर ते पुन्हा शहर काँग्रेसमध्ये सक्रिय झाले आहेत. कदम सांगली लोकसभा मतदारसंघातून निवडणूक लढू शकतात, अशीही चर्चा आहे. त्याबरोबरच ते पुण्यात सक्रिय झाल्याने पुन्हा पुणे लोकसभा मतदारसंघातून लढू शकतात, असेही काँग्रेस कार्यकर्ते दबक्या आवाजात बोलू लागले आहेत.
HDFC Bank: महिन्याभरात काढले दिवाळे, आता आली फायद्याची अपडेट; शेअर्स तेजीत येणार, फायदा घ्यावा?
कार्यकर्त्यांशी थेट संपर्कास सुरुवात
विश्वजित कदम यांनी गेल्या काही दिवसांत काँग्रेसमधील दुसऱ्या फळीतील कार्यकर्त्यांशी थेट संपर्क करण्यास सुरुवात केली आहे. त्यामुळे इच्छुकांमधील धाकधूक वाढली असून, त्यांनीही संपर्क अभियानाचा वेग वाढवला आहे. शहर संघटनेतील पदाधिकाऱ्यांशी सर्वच इच्छुक संपर्क साधत असल्याने काँग्रेस कार्यकर्ते सुखावले आहेत. गेली काही वर्षे कार्यकर्त्यांशी फारसे कोणी संपर्कात नव्हते. मात्र, निवडणुकांचा हंगाम जवळ आल्याने सर्वच नेते कार्यकर्त्यांना आदराने वागवू लागल्याची प्रतिक्रिया शहर कार्यकारिणीवरील पदाधिकाऱ्याने व्यक्त केली.
ठाणे जिल्ह्यात ६३ लाख मतदार, अंतिम मतदारयादीत ३४ लाख पुरुष, २९ लाख महिलांची नोंद
Read Latest Maharashtra News And Marathi News
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.