लग्नाचं आमिष दाखवून पुण्यात अभिनेत्रीवर अत्याचार, लग्नाचा तगादा लावताच पिस्तूल रोखून धमकी

By tejpolicetimes On Jan 27, 2024

पुणे (येरवडा) : सोशल मीडियाद्वारे ओळख झालेल्या तरुणाने लग्नाचे आमिष दाखवून चित्रपटात काम करणाऱ्या अभिनेत्रीवर वारंवार लैंगिक अत्याचार केले. अभिनेत्रीने लग्नाचा तगादा लावल्यावर तरुणाने तिच्यावर पिस्तूल रोखून जीवे मारण्याची धमकी दिली. त्यामुळे विमानतळ पोलीस ठाण्यात तक्रार दाखल केली. विराज रविकांत पाटील (वय.३५, रा.रॉयल पाम, सोरेगाव,सोलापूर) याच्यावर बलात्काराचा आणि बेकायदा शस्त्र बाळगल्याच्या गुन्हा दाखल केलेल्या तरुणाचे नाव आहे .या प्रकरणी ३२ वर्षीय पीडित अभिनेत्रीने फिर्याद दिली आहे.

पोलिसांनी दिलेल्या माहितीनुसार ”पीडित अभिनेत्री पुणे जिल्ह्यातील राहणारी आहे. मराठी चित्रपटसृष्टीत अभिनय करत असल्याचा दावा करत आहे. अभिनेत्रीचा २०१२ साली विवाह झाला असून नऊ वर्षाची मुलगी आहे. कौटुंबिक वादामुळे अभिनेत्री २०१६ पासून पती पासून विभक्त राहते. मागील अडीच वर्षांपासून अभिनेत्री विश्रांतवाडी परिसरात भाड्याने वास्तव्याला आहे. फेसबुक सोशल मीडियावर अभिनेत्रीची आरोपी तरुण पाटील याच्याशी ओळख झाली होती. काही दिवसांनी त्यांची चांगली मैत्री झाली आणि त्यांच्यात संभाषण वाढले. आरोपी पाटील यांचाही विवाह झाला आहे. पहिल्या पत्नीशी घटस्फोट घेऊन विवाह करणार असल्याचे पाटील याने अभिनेत्रीला आश्वासन दिले होते.

मनोज जरांगे कोणत्या लॉ कॉलेजमधून पास झाले, गुणरत्न सदावर्तेंचा सवाल, कायद्याचा संदर्भ देत सरकारला सुनावलं
लग्नाचे आमिष दाखवून आरोपीने वारंवार अभिनेत्रीवर लैंगिक अत्याचार केला. चार महिन्यांनंतर आरोपी अभिनेत्रीचे फोन उचलणे आणि भेटणे बंद केले. त्यामुळे अभिनेत्री आरोपीला जाब विचारल्यावर त्याने पिस्तूल काढून त्याच्या डोक्यावर रोखून जीवे मारण्याची धमकी दिली. त्यामुळे घाबरलेल्या अभिनेत्रीने विमानतळ पोलीस ठाण्यात जाऊन तरुणा विरोधात तक्रार दाखल केली. आरोपी तरुणाने विमान नगर परिसरातील हॉटेलमध्ये नेऊन पीडितेवर जबरदस्तीने बलात्कार केला. त्यामुळे विमानतळ पोलीस ठाण्यात गुन्हा दाखल केला आहे. आरोपी फरार असून त्याचा शोध सुरू आहे, अशी माहिती तपास अधिकारी महिला उपनिरीक्षक एस. आर. चौधरी यांनी दिली.

Budget 2024: बजेट सादर होताच निर्मला सीतारामन नावावर होणार नवा विक्रम, मोरारजी देसाईंच्या पंगतीत बसणार

Source link