Tej Police Times
Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage

पुण्यात निवडणूक आयोगाची मोठी कारवाई;तीन वरिष्ठ अधिकारी निलंबित…

7

पुण्यात निवडणूक आयोगाची मोठी कारवाई;तीन वरिष्ठ अधिकारी निलंबित…

पुणे – केंद्रीय निवडणूक आयोगाने पुरंदरमधीव ईव्हीएम चोरीच्या घटनेची गंभीर दखल घेतली आहे. निवडणूक आयोगाने या प्रकरणी तीन वरिष्ठ अधिकाऱ्यांवर थेट निलंबनाची कारवाई केली आहे. पुरंदरमध्ये ईव्हीएम मशीन चोरीला गेल्याची घटना नुकतीच समोर आली होती. संबंधित प्रकार समोर आल्यानंतर एकच खळबळ उडाली होती. ईव्हीएम हे अतिशय महत्त्वाचं मशीन आहे. लोकशाही जपण्यासाठी आणि निवडणुकीच्या अतिशय महत्त्वाच्या प्रक्रियेसाठी ते वापरलं जातं. त्यामुळे ईव्हीएम मशीनची निगा राखण्यात प्रशासन कुठेतरी कमी पडलं असावं, अशी चर्चा सुरु होती. अखेर संबंधित प्रकरणाची गंभीर दखल केंद्रीय निवडणूक आयोगाने घेतली आहे. केंद्रीय निवडणूक आयोगाने या प्रकरणी अतिशय मोठी कारवाई केली आहे. केंद्रीय निवडणूक आयोगाने या प्रकरणी तहसीलदार, उपविभागीय अधिकारी आणि डीवायएसपी यांना निलंबित करण्याचे आदेश दिले आहेत. त्यामुळे अनेकांच्या भुवया उंचावल्या आहेत.

केंद्रीय निवडणूक आयोगाने याबाबत महत्त्वाचे आदेश दिले आहेत. या प्रकरणी संबंधित तहसीलदार, उपविभागीय अधिकारी आणि डीवायएसपी या तीनही वरिष्ठ अधिकाऱ्यांना तातडीने निलंबित करून मुख्य सचिवांनी तात्काळ केंद्रीय निवडणूक आयोगाला अहवाल सादर करावा, असा आदेश निवडणूक आयोगाने दिला आहे. या प्रकरणी पुण्याचे जिल्हाधिकारी आणि पुणे ग्रामीण पोलीस अधीक्षक यांनीही तात्काळ अहवाल सादर करण्याचे आदेश देण्यात आले आहेत. आतापर्यंत या प्रकरणी दोन आरोपींना अटक करण्यात आली आहे. तसेच एका पोलीस अधिकाऱ्यालाही निलंबित करण्यात आलं होतं. त्यानंतर आता आणखी तीन बड्या अधिकाऱ्यांना निलंबित करण्याचे आदेश देण्यात आले आहेत.

पुरंदर तालुक्यातील सासवड तहसील कार्यालयातून ईव्हीएम मशीनची चोरी झाली होती. संबंधित घटना ही सोमवारी (दि.5 फेब्रुवारी) रोजी समोर आली होती. सासवड शहरातील तहसील कार्यालयातील स्ट्राँगरूममध्ये ईव्हीएम मशीन ठेवण्यात आलेल्या होत्या. पण दोन दिवस शनिवार आणि रविवारी तहसील कार्यालयास सुट्टी होती. सोमवारी सकाळी आकरा वाजता तहसील कार्यालयातील अधिकाऱ्यांना स्ट्राँगरूमचं कुलूप तोडण्यात आलेलं आढळून आलं. या ठिकाणी असलेल्या ईव्हीएम मशीनमधून एक ईव्हीएम मशीन चोरी गेल्याची माहिती समोर आली. यानंतर तहसील कार्यालयाचे अधिकारी, कर्मचारी आणि पोलिसांची चांगलीच धावपळ झाली होती. सासवड पोलीस ठाण्याचे कर्मचारी, फिंगरप्रिंट एक्सपर्टची टीम, एलसीबीची टीम असे पोलिसांचे पथक या ठिकाणी दाखल झाले होते. याप्रकरणी दोघांना अटक करण्यात आली होती.

Leave A Reply

Your email address will not be published.