हायप्रोफाईल सेक्स रॅकेटचा बाणेरमधील पर्दाफाश, तब्बल ११ मुलींची सुटका; पाच एजंटवर गुन्हा दाखल

पुणे,दि.१३ : पुणे शहरातील बाणेर परिसरातील एका उच्चभ्रु परिसरात असलेल्या दोन हॉटेलवर व्हॉट्सअप मिडीयाच्या माध्यमातून (ऑनलाईन) चालवल्या जाणाऱ्या हायप्रोफाईल सेक्स रॅकेटचा पुणे शहर सामाजिक पोलिसांच्या गुन्हे शाखेने पर्दाफाश केला आहे.

Thank you for reading this post, don’t forget to subscribe!

बाणेरमधील लॉज व हॉटेलवर मध्यरात्री छापेमारी करून तब्बल ११ मुलींची सुटका करण्यात आली आहे.

ही कारवाई पुणे शहर सामाजिक विभागाच्या व गुन्हे शाखेचे पोलीस उपायुक्त अमोल झेंडे यांच्या मार्गदर्शनाखाली वरिष्ठ निरीक्षक भरत जाधव, सहाय्यक निरीक्षक राजेश माळेगावे, अनिकेत पोटे, पोलीस अंमलदार राजेंद्र कुमावत, इम्रान नदाफ, तुषार भिवरकर, अमेय रसाळ, सागर केकान, राने, मनिषा पुकाळे यांच्या पथकाने केली आहे.

याप्रकरणी चतु:श्रृंगी पोलीस ठाण्यात रॉकी कदम, राहुल मदन उर्फ मदन सन्यासी, दिनेश उर्फ मामा तसेच नविन व रोशन (नावे पुर्ण माहिती नाही) या पाच एजंटवर पिटा अॅक्टनुसार गुन्हा नोंद केला आहे. याबाबत सामाजिक सुरक्षा विभागाच्या पोलीस हवालदार मनिषा पुकाळे यांनी तक्रार दिली आहे.

पुणे शहरातील अवैध प्रकारांवर कारवाई करण्याचे आदेश पोलीस आयुक्त अमितेश कुमार यांनी दिले आहेत. यादरम्यान, सामाजिक सुरक्षा विभागाकडून जोरदार कारवाई केली जात आहे.