गोंदिया शहर पोलिस उघड केला घरफोडीचा गुन्हा…

 घरफोडी करणाऱ्या तीन चोरट्यांना गोंदिया शहर पोलिसांनी केले जेरबंद… 

गोंदिया(प्रतिनिधी) – याबाबत सवीस्तर व्रुत्त असे की, दिनांक २५/०२/ २०२४ रोजी फिर्यादी महिला सौ. मनिषा सुरेशकुमार नारवानी, रा. चौव्हाण चौक, श्रीनगर, गोंदिया यांचे राहते घराचे दाराचे कुलुप तोडुन बेडरुम मधील लोखंडी आलमारीतील ०१ सोन्याची अंगठी कि. २००००/-रु., १० नग पुजेचे चांदीचे सिक्के कि. १०००/-रु., नगदी १०,०००/-रु. असा एकुण ३१०००/- रु. चा मुद्देमाल अज्ञात चोरानी चोरी केल्याचे तक्रारीवरुन पो. स्टे. गोंदिया शहर येथे अप क्र. ४२/२०२४ कलम ४५४,४५७,३८० भादंवि अन्वये गुन्हा दाखल करण्यात आलेला होता.

सदर गुन्ह्याचे अनुषंगाने वरिष्ठांचे प्राप्त निर्देश सूचनाप्रमाणे पोलिस निरीक्षक चंद्रकांत सुर्यवंशी, पोलिस स्टेशन गोंदिया शहर यांचे मार्गदर्शनात गुन्हे प्रकटीकरण पथकातील पोलिस अधिकारी, अंमलदार यांनी सदर गुन्हयातील आरोपींचा शोध घेवून गुप्त माहितीच्या आधारे आरोपी यांना निष्पन्न करुन त्याना ताब्यात घेऊन

1) मनीष मुनीराज भालाधरे, वय २६ वर्षे, रा. चौव्हान चौक, श्रीनगर गोंदिया

2) जय ऊर्फ दद्द प्रविण भालाधरे, वय २३ वर्षे, रा. सिंगलटोली, गोंदिया
यांना दि. २८/०२/ २०२४ रोजी अटक केली. त्यांचेकडे गुन्ह्याचे अनुषंगाने कसून चौकशी तपास करुन त्यांचेकडुन गुन्हयातील चोरीस गेलेले एक सोन्याची अंगठी कि. २०,०००/-रु. आणि चांदीचे सिक्के कि. १०००/-रु. असा एकुण २१,०००/- रु. चा माल दि. २९/०२/२०२४ रोजी हस्तगत करून जप्त करण्यात आला आहे सदर गुन्हयातील अन्य एक आरोपी

3) प्रथम ऊर्फ दद्द महेश भोयर रा. कचरा मोहल्ला गोंदिया

यास यापूर्वीच स्थानिक गुन्हे शाखा गोंदिया येथील  पथकाने ताब्यात घेतलेले होते सदर गुन्हयाचा तपास पोहवा दिपक रहांगडाले हे करीत आहेत. तिन्ही आरोपींना  दि. ०१/०३/२०२४ रोजी मा. न्यायालयात हजर केले असता मा. न्यायालयाने त्यांची दि. १५/०३/२०२४ रोजी पर्यंत भंडारा कारागृहात रवानगी केलेली आहे

सदरची कामगीरी पोलिस अधिक्षक,निखिल पिंगळे, अपर पोलिस अधिक्षक, नित्यानंद झा, यांचे निर्देशान्वये उपविभागीय पोलिस अधिकारी, उपविभाग गोंदिया  प्रमोद मडामे, यांचे मार्गदर्शनाखाली पोलिस स्टेशन गोंदिया शहरचे पोलिस निरिक्षक चंद्रकांत सुर्यवंशी यांचे नेतृत्वात गुन्हे प्रकटीकरण पथकाचे सहायक पोलिस निरीक्षक सोमनाथ कदम, पोहवा जागेश्वर उईके, कवलपालसिंग भाटीया, सुदेश टेंभरे, निशिकांत लोंदासे, सतिश शेंडे, दिपक राहांगडाले, प्रमोद चव्हाण, पोशि सुभाष सोनवाने, दिनेश बिसेन, मुकेश रावते, करण बारेवार, अशोक रहांगडाले यांनी केली आहे.