Shocking Video: बरेलीमध्ये ‘मिर्झापूर’ स्टाईल गोळीबार, दोन्ही गँग आमने सामने, व्हिडिओमध्ये लाइव्ह फायरिंग कैद

Gang War in Bareilly, बरेली : उत्तर प्रदेशातील बरेली येथे शनिवारी सकाळी भर रस्त्यावरून चालणाऱ्या लोकांना वाटले की कुठल्यातरी वेब सीरिज किंवा ॲक्शन चित्रपटाचे शूटिंग सुरू आहे, पण जेव्हा त्यांना वास्तव समजले तेव्हा त्यांच्या पायाखालची जमीन सरकली आणि त्यांना धक्काच बसला. प्रत्येकजण जीव वाचवण्यासाठी धावताना दिसत होता. येथे दोन गँगमध्ये आमने सामने गोळीबार झाल्याचा व्हिडिओ व्हायरल झाला आहे. दोन्ही गटांमध्ये दिवGसाढवळ्या शेकडो राउंड गोळीबार झाला. एका भूखंडाच्या ताब्यावरुन हा वाद झाल्याचे सांगण्यात येत आहे.बरेलीच्या इज्जतनगर भागात भूखंड ताब्यात घेण्यावरून गोळीबार झाला. शनिवारी सकाळी साडेसातच्या सुमारास हल्लेखोरांनी उघडपणे गोळीबार केला. यावेळी एक जेसीबीही पेटवण्यात आला. गोळीबारादरम्यान गोळी टेरेसवरून चालत असलेल्या एका व्यक्तीला लागली. दोन्ही बाजूंनी बराच वेळ गोळीबार सुरू होता. कधी गाडीच्या कव्हरमधून तर कधी डिव्हायडरच्या मागून गोळ्या झाडण्यात आल्या.

पाहा घटनेचा व्हिडिओ-

व्हायरल झालेल्या व्हिडिओमध्ये दोन्ही बाजूचे लोक रायफल, पिस्तूल आणि अवैध शस्त्रांनी गोळीबार करत असल्याचे स्पष्टपणे दिसत आहे. यादरम्यान एका आरोपीने आपल्या कारने काही लोकांना चिरडण्याचाही प्रयत्न केला. पोलिसांनी वाहन तसेच एका पक्षातील दोन जणांना ताब्यात घेतले आहे. या प्रकरणाचा तपास सुरू आहे.

व्हिडिओमध्ये आपण पाहू शकतात की एक जण रस्त्याच्या कडेला डिव्हाडरला आडोसा करून पिस्तुलच्या साह्य्याने गोळीबार करत आहे आणि स्वतः वाचण्याचा प्रयत्न करत आहे. त्याच्या समवेत काही जण उघडपणे बिनधास्त चाकी वाहनाच्या बाहेर उतरून गोळीबार करत आहे. समोरच्या गँगमध्येही बंदुकधारी होते. काहींकडे रायफल दिसत आहे. तो व्यक्तीनही कारच्या मागून गोळी बार करताना दिसत आहे. तर त्याच्या मागील व्यक्ती समोरच्या व्यक्तींना तेथून जाण्यास सांगत आहे. हे काही स्क्रिप्टेड नव्हतं, ते खरं घडलं त्यामुळे तेथे उपस्थित असलेल्या नागरिकांना धक्काच बसला.

सध्या हा व्हिडिओ उत्तर प्रदेशासह देशात व्हायरल होत आहे. उत्तर प्रदेशात कायदा आणि सुव्यवस्थेचे कसं धिंडवडे निघत आहेत. याचा धक्कादायक प्रकार समोर आला आहे.