ISRO Pushpak Landing: ‘पुष्पक’चे तिसरे यशस्वी लँडिंग; चाचणी कोठे? जाणून घ्या यानाची खासियत

नवी दिल्ली: भारतीय अवकाश संशोधन संस्थेने (इस्रो) रविवारी ‘पुष्पक’ या ‘रियूझेबल लाँच व्हेइिकल’ अर्थात पुनर्वापरायोग्य यानाचे तिसरे यशस्वी ‘लँडिंग’ केले. या चाचणीबाबत…

चाचणी कोठे?

रविवारी सकाळी ७.१० मिनिटांनी कर्नाटकच्या चित्रदुर्ग येथील ‘एअरोनॉटिकल टेस्ट रेंज’मध्ये ही चाचणी झाली. तिसऱ्या चाचणीवेळी हे यान उंचावरून सोडण्यात आले. त्या वेळी जोरदार वारे वाहत होते. तरीही हे यान पूर्ण अचूकतेने धावपट्टीवर सुरक्षितपणे उतरले.

४.५ किलोमीटर
चिनूक हॅलिकॉप्टरमधून प्रक्षेपण
प्रतितास ३२०किलोमीटर
लँडिंगवेळी यानाचा वेग
स्वातंत्र्यदिनावेळी ‘मिशन रफ्तार’; मुंबई-अहमदाबाद वंदे भारत ताशी १६० किमी वेगाने धावणार
असे उतरवले यान

‘लँडिंग’च्या वेळी व्यावसायिक विमानाचा वेग ताशी २६० किलोमीटर, तर लढाऊ विमानाचा वेग अंदाजे २८० किलोमीटर प्रतितास असतो. या ‘लँडिंग’च्या वेळी प्रथम ब्रेक पॅराशूटच्या मदतीने प्रक्षेपण वाहनाचा वेग ताशी १०० किलोमीटरपर्यंत कमी करण्यात आला. त्यानंतर ‘गिअर ब्रेक’च्या साह्याने हे छोटे यान धावपट्टीवर उतरवण्यात आले.

असे आहे वैशिष्ट्य
– पुष्पक हे ‘रिंग रॉकेट’ अर्थात पंख असलेले यान आहे.
– अमेरिकेच्या ‘स्पेस शटल’च्या पार्श्वभूमीवर हे भारताचे यान असेल.
– उड्डाण घेतल्यानंतर रॉकेट त्याला ठरावीक उंचीवर घेऊन जाईल आणि कक्षेत सोडेल.
– हे यान पृथ्वीभोवती फिरेल. त्याच्या माध्यमातून ‘सॅटेलाइट’ प्रक्षेपित केले जातील आणि नंतर ते विमानाप्रमाणे रन-वेवर ‌उतरवले जाईल.
– सन २०१६ मध्ये फक्त उड्डाणाची चाचणी घेण्यात आली होती. त्या वेळी हे समुद्रावर उतरले होते.
– त्यानंतर गेल्या वर्षभरात या यानाच्या तीन चाचण्या झाल्या आहेत.