Hathras Stampede: सूट-बूट-टाय घालून भोले बाबाचे सत्संग, मजबूत राजकीय कनेक्शन; दरबारात अखिलेश यादवांची हजेरी

हाथरस: उत्तर प्रदेशमधील हाथरस येथे ज्या बाबाच्या सत्संगमध्ये चेंगराचेंगरी झाली त्यांचे खरे नाव सूरज पाल असे आहे. भोले बाबा या नावाने प्रसिद्ध असलेले हे त्यांच्या प्रवचनामध्ये असा दावा करतात की, ते आधी पोलीस दलातील गुप्तचर विभागात नौकरी करत होते. त्यानंतर नोकरी सोडून सत्संग करण्यास सुरुवात केली.

प्रवचन करण्यास सुरुवात केल्यानंतर त्यांनी स्वत:चे नाव सूरज पालवरून साकार विश्व हरी असे केले. आता ते भोले बाबा या नावाने देखील ओळखले जातात. आपल्या सत्संगात कथा सांगणारे भोले बाबा थ्री पीस सूटमध्ये प्रवचन देत असतात.सत्संगावेळी त्यांच्या सोबत पत्नी देखील असते.
UP Hathras Stamped Death: भोले बाबाच्या सत्संगाने १४०हून अधिक जणांचा जीव घेतला, मृतांमध्ये सर्वाधिक महिला, मुलांचा समावेश
साकार विश्व हरी ऊर्फ भोले बाबा यांचे भक्त उत्तर प्रदेश सोबत हरियाणा, राजस्थान आणि दिल्ली या राज्यात पसरले आहेत. हे बाबा एका सत्संग कार्यक्रमात काही हजारो लोकांना गोळा करतता. सोशल मीडियावर व्हायरल होणाऱ्या एका व्हिडिओमध्ये बाबाच्या गाडी मागे भक्त वेड्या सारखे धावताना दिसतात.
Who Is Bhole Baba: पोलीस दलातील नोकरी सोडून सत्संग करणारे भोले बाबा आहेत तरी कोण?हाथरस चेंगराचेंगरीत ७५ हून अधिक जणांचा मृत्यू

आता इतक्या मोठ्या संख्येने भक्त असलेल्या बाबाचे राजकीय कनेक्शन असणार नाही असे तरी शक्य नाही. भोले बाबाचे मजबूत राजकीय कनेक्शन आहेत. गेल्या वर्षी उत्तर प्रदेशचे माजी मुख्यमंत्री आणि सपाचे प्रमुख अखिलेश यादव हे भोले बाबाच्या सत्संगमध्ये दिसले होते. त्यांनी सोशल मीडियावर एक फोटो देखील शेअर केला होता. ज्यात अखिलेश यादव बाबाच्या मंडपात बसले आहेत. या कार्यक्रमात अखिलेश यांनी भाषण देखील दिले होते. त्याची पोस्ट शेअर करताना, नारायण साकार हरी सी संपूर्ण ब्रम्हांड मे सदा-सदा के लिए जय जयकार हो.

भोले बाबा त्याच्या कपड्यावरून नेहमी चर्चेत असतात. प्रवचन करणारे बाबा हे साधारणपणे भगव्या कपड्यात किंवा धोतीमध्ये असतात. पण हे बाबा मात्र सूट, टाय आणि बूटामध्ये दिसतात. भोले बाबाच्या सत्संगात झालेल्या चेंगराचेंगरीत १४० जणांचा मृत्यू झाला असून यात महिला आणि लहान मुलांची संख्या अधिक असल्याचे समजते.