Shocking Incident: धक्कादायक, ८ वर्षांच्या चिमुकलीवर तिच्याच शाळेतील विद्यार्थ्यांचा बलात्कार, आरोपी १४ वर्षांखालील विद्यार्थी!

अमरावती : आंध्रप्रदेशमधून धक्कादायक घटना उघडकीस आली आहे. ८ वर्षांच्या चिमुकलीवर तिच्याच शाळेतील विद्यार्थ्यांनी बलात्कार केला आणि तिची हत्या देखील केली आहे. धक्कादायक बाब म्हणजे अत्याचार करणारे आरोपी हे १४ वर्षांखालील विद्यार्थी आहेत. घटनेने परिसरात खळबळ माजली आहे.

आंध्र प्रदेशच्या नंद्याल जिल्ह्यातील पागिडयाला मंडळातील मुचुमरी गावच्या एका शाळेत ही संतापजनक घटना घडली आहे. बुधवारी ही घटना उघडकीस आली असून पोलिसांनी त्या अल्पवयीन मुलांना ताब्यात घेतले आहे. पोलिसांच्या माहितीनुसार, पीडित विद्यार्थीनी रविवारी जुनी मुचुमुरी येथील राहत्या घरातून बाहेर पडली आणि तिच्या मित्रांसह स्थानिक उद्यानात खेळण्यासाठी गेली होती. सायंकाळ सरुन गेली तरीही आपली मुलगी घरी न आल्याने तिचे पालक चिंतेत पडले आणि पोलीस स्टेशन गाठत हरवल्याची तक्रार दाखल केली. यानंतर तातडीने मुलीचा शोध सुरू करण्यात आला.
Pune Crime: इलेक्ट्रिक शॉक अन् गळा आवळून बायकोला संपवलं, हत्या करणारा जाळ्यात, पोलिसांना नवऱ्यावर संशय कशामुळे?
तपासादरम्यान पोलिसांनी अनेक ठिकाणी छापे टाकले आणि आपल्या शोध मोहिमेत मदत करण्यासाठी श्वान पथकाचा वापर केला. कुत्र्यांनी त्यांना केवळ गुन्हा घडलेल्या ठिकाणीच नेले नाही तर पोलिसांना आरोपींच्या घरी नेऊन उभे केले. संशयितांची ओळख पटविण्यात श्वानांनी पोलिसांची मदत केली.

प्राथमिक चौकशीनंतर पोलिसांनी आरोपी मुलांना ताब्यात घेतले. पोलिसांनी कसून चौकशी केल्यानंतर आरोपींनी हे घृणास्पद कृत्य केल्याची कबुली दिली आणि गुन्हा लपवण्यासाठी त्यांनी मुलीची हत्या कशी केली त्यानंतर तिच्या मृतदेहाची विल्हेवाट कशी लावली याची पोलिसांसमोर बतावणी केली.
Worli Hit and Run : एक-दोन नव्हे, मिहिर शाह मित्र मंडळाने १२ लार्ज व्हिस्की पेग रिचवले, बारबाहेर पडल्यावर ४ तासांनी…
मुलांनी आपल्या गुन्ह्याच्या कबुलीत सांगितले की, त्यांनी मुलीला त्यांच्यासोबत खेळण्याचे आमिष दाखवले. ती खेळायला येताच तिचे तोंड झाकले आणि मुचुमरी पाटबंधारे प्रकल्पाजवळील निर्जन ठिकाणी नेऊन तिच्यावर बलात्कार केला. नंतर ही घटना ती आपल्या आई-वडिलांना सांगेल या भीतीने अल्पवयीन मुलांनी मुलीची हत्या करून तिचा मृतदेह सिंचन कालव्यात टाकून दिला.

कालव्यातील पाण्याची पातळी खोल असल्याने पोलिसांनी अद्याप पीडितेचा मृतदेह बाहेर काढलेला नाही, तसेच पावसाळ्याच्या पावसामुळे तो काही अंतरावर वाहून गेला असावा, अशी शक्यता व्यक्त केली जात आहे. वृत्तानुसार, मृतदेह बाहेर काढण्यासाठी शोध मोहिमेत प्रयत्न सुरू आहेत.