LinkedIn security Tips: आता लिंक्डइन अकाऊंटवर देखील हॅकर्सचा डोळा, अशा प्रकारे चोरी होतात यूजर्सच्या डीटेल्स

हॅकर्स तुम्हाला कसे अडकवतात?

हॅकर्स लोकांना फसवण्यासाठी बनावट कनेक्शन पाठवतात. लोकांना अडकवण्यासाठी हॅकर्स त्यांच्या प्रोफाइलमध्ये कंपनीचे नाव, फोटो आणि स्किल्सविषयीची माहिती इत्यादी अनेक माहिती तयार ठेवतात. त्याच वेळी, हॅकर्स मेसेजेसद्वारे एक विशिष्ट प्रकारचे मालवेअर पाठवतात, अशा मेसेजेसवर क्लिक केल्यानंतर, हॅकर लिंक्डइन अकाऊंटवर कंट्रोल मिळवतो.

लिंक्डइन अकाऊंटविषयीची ही चूक पडू शकते महागत

लिंक्डइन अकाऊंटवर अनोळखी व्यक्तीकडून कनेक्शनची रिक्वेस्ट येते, ज्याला तुम्ही ओळखत नाहीत. यानंतर, बरेच युजर्स प्रोफाइलवर जातात आणि त्याचे अकाउंट चेक करतात. जेव्हा सर्वकाही सुरळीत होते, तेव्हा लोक अनेकदा अनोळखी लोकांकडून कनेक्शन रिक्वेस्ट स्वीकारतात. यानंतर, काही वेळानंतर हे कळते की तुम्ही लिंक्डइन अकाऊंटमधून लॉग आउट केले आहे. अशा परिस्थितीत तुम्ही जर टू फॅक्टर व्हेरिफिकेशन सुरू केले असेल तर तुमचे अकाऊंट सुरक्षित राहू शकते. एकदा तुम्ही अनोळखी व्यक्तीकडून कनेक्शनची रिक्वेस्ट स्वीकारली की, हॅकर्स अकाऊंट लॉगिन डिटेल्स मिळवून तुमच्या अकाऊंटमध्ये प्रवेश मिळवतात.

लिंक्डइन खाते कसे सुरक्षित करावे

• सर्वप्रथम, LinkedIn ॲप उघडा आणि LinkedIn फीडवर जा.
• यानंतर डाव्या बाजूला प्रोफाईल आयकॉनवर टॅप करा.
• त्यानंतर Settings वर जा आणि Sign & Security वर क्लिक करा.
• अकाऊंट सुरक्षित करण्यासाठी, तुम्ही टू स्टेप्स व्हेरीफिकेशनचे टॉगल चालू करू शकता.

लिंक्डइन अकाऊंट हॅक झाल्यास काय करावे

• तुमचे LinkedIn अकाऊंट हॅक झाल्यास तुम्हाला घाबरण्याची गरज नाही.
• तुम्हाला अकाऊंटवर जाऊन LinkedIn सपोर्ट लिंकवर जावे लागेल, त्यानंतर तिकीट तयार करावे लागेल.
• यूजर्सना तिकीट सबमिट करण्यासाठी लॉग इन करण्याची आवश्यकता नाही. अशा परिस्थितीत, तुमच्याकडे असलेली सर्व माहिती प्रविष्ट करा.