Microsoft Crowd Strike मुळे तुमचा लॅपटॉप बंद बदल्यास काय करावे? कंपनीनंच सांगितलं उपाय

By tejpolicetimes On Jul 19, 2024

Microsoft Crowd Strike Global Outage: जगभरातील Microsoft सर्वर पूर्णपणे ठप्प झाले आहेत, ज्यामुळे एअरलाइन पासून मोठ्या कंपन्यांना फटका बसला आहे. विंडोज 10 ओएस असलेल्या पर्सनल लॅपटॉपवर देखील क्राउड स्ट्राईकचा परिणाम झाला आहे. यावर एक उपाय देखील कंपनीनं सांगितलं आहे.

महाराष्ट्र टाइम्स.कॉम

जर तुमच्या मायक्रोसॉफ्ट विंडोज 11 असलेल्या लॅपटॉप किंवा पीसीवर जर ब्लू स्क्रीन येत असेल तर घाबरू नका. कारण ही समस्या जगभरातील अनेक लॅपटॉप आणि पीसीवर येत आहे. जगभरातील विंडोज 10 सिस्टम्स मालफंक्शन करत आहेत आणि त्यामुळे ब्लू स्क्रीन येत आहे. ही समस्या काही निवडक लोकांना येत नसून सोशल मीडियावर ब्लु स्क्रीन फोटोजचा पूर आला आहे. विशेष म्हणजे बँक, एअरपोर्ट्स इत्यादी अतिमहत्वाच्या सेवांवर देखील याचा परिणाम झाला आहे. रिपोर्टनुसार हा ग्लीच CrowdStrike ने जारी केलेल्या अपडेटमुळे आला आहे. चला जाणून घेऊया यामागील कारण आणि उपाय.

मायक्रोसॉफ्ट ठप

जगभरातील लाखो मायक्रोसॉफ्ट विंडोज युजर्सना ब्लू स्क्रीन ऑफ डेथ एरर येत आहे. ज्यामुळे लोकांच्या सिस्टम अचानक बंद होत होत आहेत किंवा आपोआप चालू होत आहेत. याला क्राउडस्ट्राइक अपडेट कारणीभूत असल्याचं कंपनीनं म्हटलं आहे.

भारतातील एअरलाइनवर झाला परिणाम

मायक्रोसॉफ्ट आउटेज झाल्यामुळे जगभरातील प्रमुख एअरलाइन्सवर याचा परिणाम झाला आहे. दिल्ली आणि मुंबईसह अनेक उड्डाणे रद्द करण्यात आली आहेत. यात इंडिगो, स्पाइसजेट आणि आकासा एअरचा समावेश आहे. एअरलाइन्ससह ऑस्ट्रेलियात टीव्ही चॅनेल्स तर लंडनमध्ये स्टॉक मार्केटवर देखील परिणाम झाला आहे.

तुम्हाला ब्लू स्क्रीन आल्यास काय करावे?

तुमच्या विंडोज 10 लॅपटॉपवर अशी ब्लु स्क्रीन आल्यास लॅपटॉप तुम्ही ठीक करू शकता. यासाठी कंपनीनं ब्लु स्क्रीन ठीक करण्याची पद्धत देखील सांगितली आहे.

सर्वप्रथम Windows सेफ मोड किंवा फिर विंडोज रिकव्हरी एन्व्हायर्मेंटमध्ये बूट करा.
त्यानंतर C:\Windows\System32\drivers\CrowdStrike मध्ये जा.
इथे C-00000291*.sys फाइल सर्च करा.
ही फाइल मिळाल्यानंतर ती डिलीट करा.
या स्टेप फॉलो केल्यानंतर तुम्हाला पीसी किंवा लॅपटॉप रिबूट करावा लागेल.

नोट: हा तात्पुरता उपाय आहे त्यामुळे अशी समस्या पुन्हा कधीही येऊ शकते. यावर कंपनी काम करत आहे आणि लवकरच ही समस्या सोडवण्यासाठी अपडेट जारी केला जाऊ शकतो.

लेखकाबद्दलसिद्धेश जाधवसिद्धेश जाधव जवळपास 6 वर्ष डिजिटल मीडियामध्ये टेक्नोलॉजी विषयी लिहीत आहे. सुरुवातीपासूनच टेक विषयी माहिती वाचकांना समजेल अशा सोप्या शब्दात मांडण्याचा प्रयत्न त्याने केला आहे. कामाव्यतिरिक्त सिद्धेशला प्रवास करायाला आवडतं. नेहमीच तो वेगवेगळ्या गड किल्ल्यांवर आणि ऐतिहासिक ठिकाणी फिरत असतो. फावल्या वेळात त्याला चित्रपट बघायला आवडतात. कधीकधी तो आपल्या भावना आणि विचार चारोळ्यांच्या माध्यमातून व्यक्त करतो…. आणखी वाचा

Source link