SBI Reward Point Scam :लोभाला बळी पडाल तर बँक खाते होईल साफ; जाणून घ्या सेफ्टी टिप्स

By tejpolicetimes On Jul 22, 2024

घोटाळेबाज लोकांची फसवणूक करण्याचे नवनवीन मार्ग शोधत असतात. यावेळी घोटाळेबाजांनी एसबीआयच्या युजर्सना लक्ष्य केले आहे. एक नवीन SBI रिवॉर्ड पॉइंट घोटाळा उघडकीस आला आहे ज्यामध्ये गुन्हेगार तुम्हाला बनावट रिवॉर्ड पॉइंट असलेले मेसेज पाठवत आहे. तुम्हीही SBI यूजर असाल तर आम्ही तुम्हाला हे कसे टाळायचे ते येथे सांगत आहोत.

महाराष्ट्र टाइम्स.कॉम

तुम्ही SBI चे ग्राहक असाल तर सावधान. एक नवीन घोटाळा वेगाने पसरत आहे, ज्यामध्ये घोटाळेबाज ‘रिवॉर्ड पॉइंट्स’च्या नावाखाली फसवणूक करत आहेत. यामध्ये स्कॅमर एसबीआय रिवॉर्ड पॉइंट्स असलेले बनावट संदेश पाठवून तुम्हाला फसवण्याचा प्रयत्न करतात.तुम्ही अशा घोटाळ्यात अडकल्यास तुमचे मोठे नुकसान होऊ शकते. तुमची वैयक्तिक माहिती लीक होण्याचा तसेच आर्थिक माहिती चोरीला जाण्याचा धोका असतो. येथे आम्ही तुम्हाला या घोटाळ्याशी संबंधित सर्व महत्त्वाच्या गोष्टींबद्दल तपशीलवार माहिती देत आहोत.

कसा होतो हा रिवॉर्ड पॉइंट्स घोटाळा

जर तुम्हाला हा घोटाळा टाळायचा असेल तर आधी या घोटाळ्याची माहिती घेणे तुमच्यासाठी महत्त्वाचे आहे.
यामध्ये तुम्हाला एक फेक मेसेज येतो.हा मेसेज एसबीआय रिवॉर्ड पॉईंटचा असल्याचे दिसते, ज्यामध्ये अनेकदा बँकेचा लोगो आणि नाव असते.
तुमच्या रिवॉर्ड पॉइंट्सची मुदत संपत आहे आणि तुमच्यावर कारवाई केली जाईल, असा दावा मेसेजमध्ये करण्यात आलेला असतो.
या मेसेजमध्ये एक लिंक आहे जी क्लिक केल्यावर, तुम्हाला बनावट वेबसाइटवर घेऊन जाते किंवा तुम्हाला एपीके फाइल डाउनलोड करण्यास सांगते.
त्यावर क्लिक केल्यानंतर, तुम्ही तुमच्या डिव्हाइसवर मालवेअर इंस्टॉल करता, जे स्कॅमरना बँकिंग क्रेडेन्शियल्ससह तुमच्या वैयक्तिक डेटामध्ये एंट्री देते.

या घोटाळ्यापासून कसे रहाल सुरक्षित

सर्वप्रथम, हे लक्षात ठेवा की SBI कधीही रिवॉर्ड पॉइंट्सशी संबंधित मेसेज SMS किंवा WhatsApp द्वारे पाठवणार नाही.
बँकेचा ईमेल पत्ता किंवा फोन नंबर नेहमी बरोबर तपासा. ते संशयास्पद असल्यास, कोणत्याही लिंकवर क्लिक करू नका.
कोणत्याही अज्ञात स्त्रोताकडून एपीके फाइल कधीही डाउनलोड करू नका. फक्त Google Play Store किंवा Apple App Store सारखे अधिकृत ॲप स्टोअर वापरा.
तुमच्या SBI खाते आणि सोशल मीडिया प्रोफाइलसाठी 2 फॅक्टर ऑथेंटिकेशन एनेबल करा.
संशयास्पद ॲक्टिव्हिटीची तक्रार करा.
जर तुम्ही लिंकवर क्लिक केले असेल किंवा एपीके इन्स्टॉल केले असेल, तर त्याची त्वरित SBI ग्राहक सेवा किंवा सायबर गुन्हेगारी अधिकाऱ्यांना तक्रार करा.

SBI रिवॉर्ड पॉइंट रिडीम

सर्व प्रथम अधिकृत वेबसाइट https://rewardz.sbi/ वर जा.
तुम्ही नवीन युजर असल्यास, तुमच्या SBI Rewards ग्राहक आयडी आणि मोबाईल क्रमांकासह नोंदणी करा.
यानंतर तुमच्या रजिस्टर्ड मोबाईल क्रमांकावर प्राप्त झालेला OTP टाका.
आता तुमची वैयक्तिक माहिती द्या आणि ती व्हेरिफाय करा.
एकदा व्हेरिफिकेशन झाल्यानंतर, तुम्ही वेगवेगळ्या पर्यायांसाठी तुमचे रिवॉर्ड पॉइंट रिडीम करू शकता.

लेखकाबद्दलनंदिता रामेश्वर थोरातनंदिता थोरात हिने मास कम्युनिकेशन अँड जर्नालिझममध्ये मास्टर्स केले आहे. तिला पब्लिक रिलेशन्स, न्युज रायटिंग, फीचर रायटिंग, स्क्रिप्ट रायटिंग, एडिटिंग आदी मीडिया संबंधित कामांचा जवळपास १० वर्षांचा अनुभव आहे. जनरल फीचर्स, फायनान्स फीचर्स नंतर ती आता टेक्नोलॉजी विषयी लिहीत आहे. कामाव्यतिरिक्त तिला वाचनाची विशेष आवड असून हिंदी सिनेमा बघणे तसेच त्यावर समीक्षण नोंदवणेही आवडते…. आणखी वाचा

Source link