मेष राशीसाठी सूर्य संक्रमण लाभदायक
मेष राशीसाठी सूर्याचे कुंभेतील भ्रमण लाभदायक ठरेल. जोडीदारासोबतचे तुमचे नाते अधिक बळकट होईल आणि आपपसांतील समजही वाढेल. तुम्ही जोडीदाराबद्दल प्रामाणिक आहात, त्यातून नातेसंबंधातील विश्वासार्हताही वृद्धिंगत होईल. प्रेमसंबंधाचे रूपांतर वैवाहिक नात्यात होण्याचे प्रबळ संकेत आहेत.
वृषभ राशीसाठी सूर्य संक्रमणाचा शुभयोग
सूर्याचे कुंभ राशीतील संक्रमण वृषभ राशीसाठी शुभ योग घेऊन येत आहे. प्रेमसंबंधासाठी हे संक्रमण तुम्हाला अनुकूल राहील. विशेष म्हणजे तुमच्या कुटुंबाचा तुमच्या प्रेमसंबंधाना पाठिंबा मिळणार आहे. तुमचे जोडीदाराबद्दलच्या प्रेमात प्रामाणिकपणा आहे.
मिथुन राशीसाठी सूर्य संक्रमणचा शुभयोग
कुंभ राशीत सूर्याचे संक्रमण १३ तारखेला होईल, हे संक्रमण मिथुन राशीसाठी शुभ योग घेऊन येत आहे. तुमच्या जोडीदारासोबतचे संबंध सर्वच पातळ्यावर चांगले होतील. या कालावधित तुम्ही अधिकाधिक समंजस बनाल तसेच जोडीदाराला समजून घेण्याची समजही वाढेल. दोघांतील संबंध अधिकाधिक दृढ होत जातील.
कर्क राशीसाठी सूर्य संक्रमण प्रतिकूल
सूर्य राशीचे कुंभेतील संक्रमण कर्क राशीसाठी प्रतिकूल ठरणार आहे, त्यामुळे या काळात सावध राहाव, कारण दोघांतील वाद वाढू शकतात. दोघांत अहंमपणामुळे एकमेकांना समजून घेण्यात अपयश येऊ शकते, त्यामुळे हे वाद होतील. जोडीदाराशी मैत्रीपूर्ण संवाद ठेवला तर परिस्थिती नियंत्रणात राहू शकते. यामुळे दोघांतील नात्यात थोडा दुरावा येऊ शकते. या काळात जोडीदाराच्या विचारांशी मिळतेजुळते घेऊन तुम्ही नातेसंबंधातील दरी दूर करण्याचा प्रयत्न करावा.
सिंह राशीसाठी सूर्य संक्रमणाचा अशुभ प्रभाव
सिंहेचा राशीस्वामी सूर्य आहे. या सूर्याचे संक्रमण कुंभ राशीत होणे, तुमच्या प्रेमजीवनासाठी फारसे अनुकूल नाही. जोडीदाराशी असलेले तुमचे संबंध या संक्रमणामुळे खराब होऊ शकतात, या मागे अहंकार हे मुख्य कारण असेल. आपापसांतील गैरसमजामुळे नातेसंबंध बिघडतील आणि नात्यातील गोडवा कमी होईल.