पुणे हादरलं! नदीपात्रात तरुणीची बॉडी सापडली, पण डोकं, हात-पाय… साऱ्यांच्या अंगावर काटा

पुणे: गेल्या काही दिवसांपासून सतत महिलांवरील अत्याचाराच्या भयंकर घटना समोर येत आहेत. लहान मुलींपासून वयोवृद्ध महिलांवर होणारे अत्याचार अतिशय भयंकर रुपात समोर येते आहे. कोलकता येथील महिला डॉक्टरवरील अत्याचार आणि हत्या प्रकरण, त्यानंतर बदलापूर येथील चिमुरडींवर झालेल्या लैंगिक अत्याचतार प्रकरणाने संपूर्ण देश हादरला आहे. तर आता पुण्यातही एक भयंकर घटना समोर अली आहे.

तरुणीच्या शरीराचे तुकडे केले

एका अनोळखी महिलेचा खून करून तिच्या मृतदेहाचे अक्षरशः तुकडे करून तिचे धड खराडी येथील नदीपात्रात फेकून देण्यात आले आहे. नदीपात्रात काही संशयास्पद वस्तू नागरिकांना दिसल्यामुळे स्थानिकांनी पोलिसांना याबाबतची माहिती दिली. पोलिसांनी तपास केल्यानंतर हे धड एका तरुणीचं असल्याचं कळलं आहे. खून झालेल्या या तरुणीचे वय अंदाजे १८ ते ३० इतकं असल्याची प्राथमिक माहिती आहे. चंदननगर पोलीस ठाण्यात या प्रकरणी अज्ञात आरोपी विरोधात गुन्हा दाखल करण्यात आला आहे.

मृत तरुणीचे वय १८-३० दरम्यान असल्याची माहिती, ओळख पटवण्याचे प्रयत्न सुरु

या प्रकरणाची अधिक माहिती अशी की, पुण्यातील खराडी परिसरात जेनी लाईट कन्स्ट्रक्शनचे काम सुरू आहे. येथून जवळच असलेल्या नदीपात्रात एका महिलेचे हात-पाय आणि डोके नसलेल्या अवस्थेतील धड असल्याची माहिती पोलिसांना मिळाली होती. त्यानंतर पोलिसांनी तात्काळ घटनास्थळ गाठलं. घटनास्थळी जाऊन पाहणी केली असता हा सर्व प्रकार उघडकीस आला आहे. मयत तरुणीची ओळख अद्याप पटलेली नाही. या तरुणीचे वय अंदाजे १८ ते ३० इतके आहे.

पुरावे नष्ट करण्याच्या उद्देशाने धड, हात-पाय कापून नदीपात्रात फेकलं

अज्ञात इसमाने ठार मारून पुरावा नष्ट करण्याच्या उद्देशाने मृतदेहाचे धडापासूनचे शीर, दोन्ही हात खांद्यापासून, दोन्ही पाय खुब्यापासून धारदार शस्त्राच्या साह्याने कापून टाकले. त्यानंतर हे धड मुळा-मुठा नदीपात्रात टाकून दिले. अज्ञात व्यक्ती वरोधात त्याप्रकरणी चंदननगर पोलीस ठाण्यात खुनाचा गुन्हा दाखल करण्यात आला आहे. पोलीस अधिक तपास करत आहेत.