पंकजा मुंडेंनंतर आता धनंजय मुंडेंचा नंबर? परळीत पवारांचे मराठा कार्ड, तगडा उमेदवार रिंगणात

शरद पवार गटाकडून परळी विधानसभा मतदारसंघामध्ये राजेसाहेब देशमुख यांच्या उमेदवारीची घोषणा केली आहे. आता परळीमध्य अजित पवार गटाचे नेते आणि कृषीमंत्री धनंजय मुंडे तर शरद पवार गटाकडून राजेसाहेब देशमुख यांच्यात ही लढत रंगणार आहे. राजेसाहेब देशमुख हे काँग्रेसचे जिल्हाध्यक्ष होते, मागील काही दिवसांपूर्वी देशमुख यांनी शरद पवार यांची भेटे घेतली होती. आता परळी मतदारसंघात शरद पवार आणि अजित पवार गटामध्ये काँटे की टक्कर पाहायला मिळणार आहे.

परळी विधानसभा मतदारसंघात २०१४ आणि २००९ च्या निवडणुकीमध्ये पंकजा मुंडे या विजयी झाल्या होत्या. मात्र राष्ट्रवादी काँग्रेसचे धनंजय मुंडे यांनी भाजप नेत्या पंकजा मुंडे यांचा पराभव केला होता. २०१९ साली विधानसभा निवडणुकीत धनंजय मुंडे राष्ट्रवादीकडून तर पंकजा मुंडे भाजपच्या उमेदवार होत्या बहीण-भावाच्या लढतीकडे महाराष्ट्र राज्याचे लक्ष लागले होते. धनंजय मुंडे यांनी ३०७०१ मतांनी विजय मिळवला होता. यंदा मात्र लोकसभेला पंकजा मुंडे यांना पराभवाला सामोरं जाव लागलं होतं. शरद पवार गटाचे मराठा उमेदवार बजरंग सोनवणे यांनी पंकजा यांचा पराभव करत धक्कादायक निकाल दिला होता. आता विधानसभेच्या निवडणुकीमध्येही पवारांंचे मराठा कार्ड परळीत चालते की नाही? परळीची जनता कोणाला गुलाल उधळण्याची संधी देणार हे पाहणं महत्त्वाचं ठरणार आहे.

शरद पवार गटाची तिसरी यादी जाहीर

कारंजा- ज्ञायक पटणी
चिंचवड- राहुल कलाटे
माजलगाव- मोहन जगताप
परळी- राजेसाहेब देशमुख
हिंगणा- रमेश बंब
भोसरी -अजित गव्हाणे
अणुशक्तीनगर- फहद अहमद
मोहोळ- सिद्धी रमेश कदम
हिंगणघाट- अतुल वांदिले