भाजपचा दबाव, तरीही शिंदेंचा आमदार लढण्यावर ठाम; भाई मोठ्या भावाला इतके का भिडताहेत? ५ मुद्दे

लोकसभेचा स्ट्राईक रेट
लोकसभा निवडणुकीच्या निकालातून शिंदेंनी त्यांची पॉवर दाखवून दिली. भाजपनं त्यावेळी २८ जागा लढवत केवळ ९ जागा जिंकल्या. तर शिंदेंनी १५ जागा घेत ७ जागांवर विजय मिळवला. लोकसभेतील कामगिरीमुळे एकनाथ शिंदेंचा आत्मविश्वास दुणावला आहे. त्यामुळे आता ते शिवसेनेच्या हक्काच्या जागा सोडण्यास तयार नाहीत.
Maharashtra Election 2024: मंत्रालयात फडणवीसांची नेमप्लेट तोडणाऱ्या महिलेचा उमेदवारी अर्ज; त्यात भाजपचा उल्लेख, पण…
लोकसभेला मोठ्या भावाची दादागिरी, पण आता…
लोकसभा निवडणुकीत शिंदेसेनेच्या निर्णयांमध्ये, उमेदवारांच्या निवडीत भाजपचा बराच हस्तक्षेप पाहायला मिळाला. हिंगोलीचे खासदार हेमंत पाटील यांचं जाहीर झालेलं तिकीट कापण्यात आलं. त्यामुळे पक्षावर नामुष्की ओढवली. यवतमाळ-वाशिमच्या खासदार भावना गवळींना उमेदवारी नाकारण्यात आली. या सगळ्यामागे भाजपचे अंतर्गत सर्व्हे होते. पण त्याचे परिणाम शिंदेसेनेला भोगावे लागले. दोन्ही जागांवर शिंदेसेनेचा पराभव झाला. त्यामुळे आता भाजपच्या सूचना, सल्ले, आग्रह शिंदे फारसे मनावर घेत नसल्याचं चित्र आहे.
Raj Thackeray: ‘त्या’ २ जागा शिंदेंच्या हट्टानं गेल्या, मी निशाणी ढापलेली नाही; राज ठाकरेंचा सणसणीत टोला
शिवसेनेत चुकीचा मेसेज जाण्याची भीती
भाजपचा दबाव आला की शिंदे माघार घेतात, असा संदेश मुख्यमंत्र्यांना जाऊ द्यायचा नाही. लोकसभा निवडणुकीवेळी शिंदेसेनेच्या बहुतांश निर्णयांमागे भाजप असल्याचं बोललं गेलं. त्यामुळे सेना भाजपच चालवत असल्याचा मेसेज काही प्रमाणात गेला. तसा मेसेज पुन्हा जाऊ नये यासाठी शिंदे आमदार सरवणकर यांच्या पाठिशी ठामपणे उभे आहेत. सरवणकरांना माघार घ्यावी लागल्यास त्यांच्या पुनर्वसनाचाही प्रश्न असेल. सोबत गेलेल्या आमदाराला माघार घेण्यास लावावी, असा संदेश गेल्यास तो शिंदेंसाठी धोकादायक ठरेल.

मुख्यमंत्रिपदाचा मुद्दा, एकेक आमदार महत्त्वाचा
विधानसभा निवडणुकीत सत्ताधारी आणि विरोधकांमध्ये काँटे की टक्कर दिसत आहे. त्यामुळे एक एक आमदार महत्त्वाचा आहे. निकालानंतर मुख्यमंत्रिपद पुन्हा मिळवायचं असल्यास पाठीमागे किती आमदार आहेत हा आकडा महत्त्वाचा ठरतो. त्यामुळे शिंदे त्यांच्या हक्काची जागा सोडण्यास अजिबात तयार नाहीत.
Sada Sarvankar: बाळासाहेब असते तर…; सरवणकरांनी राज ठाकरेंना करुन दिलं स्मरण; ट्विटमुळे माहीममध्ये ट्विस्ट?
दादरची जागा सोडल्यास जाणारा संदेश धोक्याचा
आमदार सदा सरवणकर यांच्याच मतदारसंघात शिवसेना भवन येतं. त्यामुळे दादर माहीम मतदारसंघाला वेगळं महत्त्व आहे. ही जागा सोडल्यास शिवसैनिकांमध्ये चुकीचा संदेश दिला जाईल. सरवणकरांनी माघार घेतल्यास त्याचा थेट फायदा ठाकरेसेनेच्या उमेदवाराला होईल. त्याचा विजय झाल्यास शिवसेनेचा जन्म झालेल्या दादरमध्ये झेंडा फडकवल्याचा प्रचार ठाकरेसेनेकडून केला जाईल.