माहीमसह अनेक जागांवर भाजप-मनसेची छुपी युती? सेनेच्या उमेदवारांना भीती; शिंदेंचं नुकसान किती?

गेल्या काही दिवसांत भाजप नेत्यांची भाषा अचानक बदलली आहे. त्यामुळे शिंदेसेनेच्या गोट्यात नाराजी आहे. मनसे आणि भाजपचं नेमकं काय चाललंय, असा प्रश्न शिंदेसेनेच्या नेत्यांना पडला आहे. तर मनसेची उत्तर भारतीयांबद्दलची भूमिका पाहता त्यांच्याशी जवळीक केल्यास महानगरांमध्ये त्याचे परिणाम होऊ शकतात, अशी भीती भाजपच्या उमेदवारांना आहे. मनसेनं अनेकदा उत्तर भारतीयांविरोधात आक्रमक भूमिका घेतली आहे. त्यामुळे मनसेसोबत गेल्यास अमराठी मतदार दुरावतील, असा मतप्रवाह भाजपमध्ये आहे.
Manoj Jarange Patil: खोला ते! शिंदेंचा आमदार खोका घेऊन जरांगेंच्या भेटीला; पाटलांनी लगेच उघडायला लावला अन् मग…
लोकसभा निवडणुकीत राज ठाकरेंनी पंतप्रधान नरेंद्र मोदी यांना बिनशर्त पाठिंबा देत महायुतीच्या उमेदवारांचा प्रचार केला. त्याची परतफेड म्हणून महायुतीनं अमित ठाकरे निवडणूक लढत असलेल्या दादर माहीम मतदारसंघातून शिंदेसेनेचे उमेदवार सदा सरवणकर यांनी माघार घ्यावी, अशी मागणी उपमुख्यमंत्री देवेंद्र फडणवीस, प्रदेशाध्यक्ष चंद्रशेखर बावनकुळे आणि मुंबई भाजप अध्यक्ष आशिष शेलार यांनी केली. त्यामुळे भाजप आणि मनसेचं नेमकं चाललंय काय, असा सेनेच्या नेत्यांना पडला आहे.
Ajit Pawar: दादांनी किस्सा सांगितला; फडणवीस, मोदींसह संपूर्ण भाजप गोत्यात; सेल्फ गोल्फनं आयतं कोलीत
मनसेनं १० जागांवर भाजपचा पाठिंबा मागितला आहे. त्यात माहीमच्या जागेचाही समावेश असल्याचं वृत्त नवभारत टाईम्सनं दिलं आहे. विशेष म्हणजे माहीम प्रमाणेच या १० जागांवरही शिंदेसेनेचे उमेदवार आहेत. शिंदेसेनेच्या काही उमेदवारांनी ही बाब मुख्यमंत्री एकनाथ शिंदेंच्या कानावर घातली आहे. भाजपच्या दबावापुढे झुकण्यास शिंदे तयार नसल्याची माहिती सुत्रांनी दिली आहे.

पुढचा मुख्यमंत्री भाजपचा होईल. मी पक्ष चिन्ह ढापलेलं नाही. ते मला मतदारांनी केलेल्या मतांमुळे मिळालेलं आहे. ते काही मला कोर्टानं दिलेलं नाही, अशी विधानं राज ठाकरे काही दिवसांपूर्वीच केली. त्यातून राज यांची भाजपसोबतची जवळीक आणि शिंदेसेनेसोबतचा दुरावा दिसला. त्यामुळे आता भाजप, मनसेमध्ये काहीतरी छुपा करार झाला आहे का, अशी चर्चा सुरु झाली आहे.