मंचावर भोजपुरी गाणी अन् नाचणारी तरुणी! ही लाडकी बहीण योजना? राज ठाकरेंचा शिंदेंवर हल्लाबोल

२०१९ मध्ये लोकांनी मतदान केलं. तेव्हा युतीत कोण होतं, आघाडीत कोण होतं आणि आता युतीत कोण आहे, आघाडीत कोण आहे, याचा मतदारांनीच विचार करावा. मतदान करताना ५ वर्षांत काय काय घडलं याची मनात उजळणी करावी, असं आवाहन राज यांनी केलं. मतदारांना कशाचंच काही वाटत नाही. त्यामुळे आम्ही कोणासोबतही गेलो तरी चालतं, असा पक्षांचा समज झाला आहे. त्यांचा हा समज मोडीत काढलात तर ते वठणीवर येतील, असं राज ठाकरे म्हणाले.
Manoj Jarange Patil: जरांगे पाटलांची अचानक माघार; गेल्या दोन दिवसांत पडद्यामागे काय घडलं? घटनाक्रम समोर
मागील विधानसभा निवडणुकीत लोकांनी युतीला कौल दिला. पण निकाल लागताच उद्धव ठाकरेंनी वेगळा सूर लावला. आपल्याला मुख्यमंत्रिपदाचा शब्द दिला होता, असं ते म्हणू लागले. तुम्हाला जर शब्द दिला होता, तर मग पंतप्रधान मोदी, अमित शहा सभा घेऊन पुढील मुख्यमंत्रीही फडणवीसच होतील, असं जाहीर सभेत सांगत असताना गप्प का होतात? तेव्हाच आक्षेप का घेतला नाही?, असे सवाल राज यांनी उद्धव यांना विचारले.
Maharashtra Election: भाजपनं समजावलं, विमान पाठवलं; तरीही फडणवीस समर्थकाची बंडखोरी कायम, विखेंचं टेन्शन वाढलं
एकनाथ शिंदेंच्या बालेकिल्ल्यात सभा घेणाऱ्या राज यांनी त्यांच्यावरही तोफ डागली. काँग्रेस, राष्ट्रवादीविरुद्ध निवडणूक लढलो आणि आता त्यांच्याच मांडीला मांडी लावून बसू शकत नाही म्हणत त्यांनी भाजपसोबत जाण्याचा निर्णय घेतला. त्यानंतर वर्षभरानं अजित पवार त्यांच्याच मांडीवर येऊन बसले. पण त्याचं त्यांना काहीच वाटत नाही. कारण या पक्षांनी मतदारांना गृहित धरलं आहे. तुम्ही चिडत नाही. तुम्हाला काहीच वाटत नाही. त्यामुळे आपण काहीही केलं तरी चालतं, असा यांचा समज झाला आहे, अशा शब्दांत राज यांनी मतदारांना डोळसपणे मतदान करण्याचं आवाहन केलं.

मुंबईतील कुर्ल्यात काल मुख्यमंत्री एकनाथ शिंदेंची सभा झाली. त्या सभेतील एक क्लिप मी पाहिली. व्यासपीठावर शिंदेंचा फोटो, त्यांच्या उमेदवारांचं नाव आणि मंचावर एक तरुणी भोजपुरी गाण्यावर नाचतेय. हीच का तुमची लाडकी बहीण योजना? असा सवाल राज यांनी विचारला. राजकीय व्यासपीठांवर बायका नाचवण्याचे प्रकार उत्तर प्रदेश, बिहारमध्ये घडतात. आपल्याला महाराष्ट्राचा यूपी, बिहार करायचाय, असा प्रश्न राज ठाकरेंनी उपस्थित केला.