एकनाथ शिंदे मुख्यमंत्री व्हावेत याकरिता शिवसेना शिंदे गटाकडून देवीला साकडं

एकनाथ शिंदे आणि देवेंद्र फडणवीस यांच्यामध्ये रस्सीखेच सुरू असल्याचे बघायला मिळतंय. महायुतीमधील मोठे नेते मुख्यमंत्रीपदाबद्दल भाष्य करत नाहीयेत. पडद्यामागे मोठ्या घडामोडी सुरू असल्याचे देखील दिसतंय. लाडकी बहिण योजनेचा फायदा महायुतीला झाला आहे. एकनाथ शिंदे हे लाडक्या बहिणींचे धन्यवाद मानताना दिसले. अजित पवार यांनीही म्हटले की, आम्हाला लाडकी बहिण योजनेचा फायदा झाला.
भाजपमध्ये विलीन व्हावे, नवनिर्वाचित आमदाराचा काँग्रेसच्या आमदारांना खोचक सल्लाएकनाथ शिंदे की देवेंद्र फडणवीस या दोघांपैकी कोण मुख्यमंत्री होणार हे लवकरच स्पष्ट होईल. मात्र, एकनाथ शिंदे हे मुख्यमंत्री व्हावेत, याकरिता अनेक महिला प्रार्थना करताना दिसत आहेत. एकनाथ शिंदे हे राज्याचे मुख्यमंत्री व्हावेत अशी इच्छा शिवसेना शिंदे गटाच्या पदाधिकाऱ्यांकडून व्यक्त केली जात आहे. याकरिता मंदिरात जाऊन आरती करण्यात आली.

शिवसेनेच्या कार्यकर्त्याकडून गाडीपुरा येथील रेणुका माता मंदिरात आरती करण्यात आली. यावेळी एकनाथ शिंदे हे मुख्यमंत्री व्हावे यासाठी देवीला साकडं देखील घालण्यात आले. दिल्लीतील मोठे नेते याबद्दल निर्णय घेण्याची शक्यता आहे. लोकांच्या मनातील मुख्यमंत्री एकनाथ शिंदेच असल्याचा दावा शिंदे गटाकडून केला जातोय. मात्र, महायुतीमध्ये सर्वात जास्त आमदार हे भाजपाचे निवडून आल्याने भाजपाचे देवेंद्र फडणवीस मुख्यमंत्री होतील, असेही सांगितले जातंय.