नांदेड स्थानिक गुन्हे शाखेने खुनाच्या गुन्ह्यातील आरोपीच्या आवळल्या मुसक्या…

नांदेड स्थानिक गुन्हे शाखेने खुनाच्या गुन्ह्यातील आरोपीच्या आवळल्या मुसक्या…

नांदेड (प्रतिनिधी) – सराफा लाईन इतवारा, नांदेड परीसरात (दि.06नोव्हेंबर) रोजी रात्री 08.00 वा.सु. सागर यादव रा.जुनागंज इतवारा, नांदेड याचा काही इसमांनी खुन केला होता, त्यावरुन पोलीस ठाणे इतवारा गुरनं. 245/2023 कलम 302, 307, 384, 386, 294, 143, 146, 147, 148, 149, 120 (ब) भा. द. वि. सहकलम 4/25 शस्त्र अधिनियम प्रमाणे गुन्हा दाखल असुन नमुद गुन्ह्यातील आरोपीतांचा शोध घेऊन अटक करण्याबाबत श्रीकृष्ण कोकाटे, पोलीस अधीक्षक, नांदेड यांनी पोलीस निरीक्षक स्थागुशा नांदेड यांना आदेशीत केले होते. त्यानुसार पोलीस निरीक्षक स्थागुशा, नांदेड यांनी पथके तयार करुन आरोपीतांना अटक करण्याबाबत सुचना दिल्या होत्या.

या बाबत अधिक माहिती अशी की, (दि.02जानेवारी) रोजी स्थागूशा चे पथकातील पोउपनि दत्तात्रय काळे यांना मिळालेल्या माहीतीनुसार नमुद गुन्हयातील एक आरोपी नगीनाघाट, नांदेड येथे असल्याने पोलीस निरीक्षक, स्थागुशा यांनी सदर पथकास नगीनाघाट, नांदेड येथे रवाना केले. स्थागुशा चे पथकाने नमुद ठिकाणी जाऊन सापळा रचुन आरोपी नामे संतोष भिमराव सोळंके (वय 22 वर्ष) व्यवसाय मजुरी रा.गायत्री मंदीर जवळ, जुना मोंढा, नांदेड यास ताब्यात घेऊन गुन्हयासंबंधाने विचारपुस केली असता, त्यांनी गुन्हा केल्याचे सांगीतल्याने त्यास पोलीस ठाणे इतवारा गुरनं. 245/2023 कलम 302, 307, 384, 386, 294, 143, 146, 147, 148, 149, 120 (ब) भा. द. वि. सहकलम 4/25 शस्त्र अधिनियम गुन्हयाचे पुढील तपासकामी देण्यात आले आहे.

सदरची कामगिरी श्रीकृष्ण कोकाटे, पोलीस अधीक्षक, नांदेड, अबिनाश कुमार अपर पोलीस अधीक्षक, नांदेड, खंडेराव धरणे, अपर पोलीस अधीक्षक, भोकर यांच्या मार्गदर्शनाखाली, उदय खंडेराय, पो.नि. स्थागूशा नांदेड, पोउपनि / दत्तात्रय काळे, आशिष बोराटे, पोहेकॉ/बालाजी तेलंग, पोकॉ/विलास कदम, विठ्ठल शेळके, गजानन बयनवाड, रणधीर राजबन्सी, ज्वालासिंघ बावरी, कलीम शेख मारोती मुंडे, स्थागुशा, नांदेड यांनी पार पाडली आहे. सदर पथकाचे पोलीस अधीक्षक नांदेड यांनी कौतुक केले आहे.