स्वारगेट बस स्थानक परीसरात चोरी करणारी महीला स्वारगेट पोलिसांचे ताब्यात…

स्वारगेट बस स्थानक परीसरात गर्दीचा फायदा घेवुन चोरी करणाऱ्या महिला चोरटयास स्वारगेट पोलिसांनी केले जेरबंद….

पुणे(सायली भोंडे) – याबाबत सवीस्तर व्रुत्त असे की,स्वारगेट पोलिस स्टेशन पुणे शहर हद्दीमधील स्वारगेट एसटी स्टॅन्ड व पीएमपीएल बस स्टॅन्ड परिसरामध्ये अज्ञात चोरटे हे प्रवाशांची बसमध्ये चढण्यासाठी झालेल्या गर्दीचा फायदा घेवुन त्यांचे सोन्याचे दागिने चोरी करीत असल्याच्या घटना वारंवार घडत असल्याने सदर अज्ञात चोरटयाचा शोध घेणेबाबत वरीष्ठ पोलिस निरीक्षकस्वारगेट पोलिस स्टेशनकडील तपास पथकातील अधिकारी व अंमलदार यांना आदेशित केले होते.
त्यावरुन तात्काळ स्वारगेट पोलिस स्टेशन कडील तपास पथकाचे प्रभारी सहा. पोलिस निरीक्षक प्रशांत संदे तसेच तपास पथकातील पोलिस अंमलदार संदीप घुले, अनिस शेख व शिवा गायकवाड यांनी
स्वारगेट एसटी स्टॅन्ड परीसरातील सी.सी.टी.व्ही. फुटेज तपासुन तांत्रीक विश्लेषनाद्वारे मिळालेल्या माहितीच्या आधारे वर्कआऊट करुन स्वारगेट एसटी स्टॅन्ड परीसरात वारंवार पेट्रोलिंग करीत असताना पोलिस शिपाई संदीप घुले, अनिस शेख व शिवा गायकवाड यांना त्यांचे खास बातमीदारामार्फत बातमी मिळाली की एक संशयित महिला स्वारगेट बस स्थानकामधे संशयितरित्या फिरत आहे अशी बातमी मिळाल्याने सदर बातमीबाबत वरिष्ठांना माहिती दिली असता वरिष्ठांनी कायदेशीर कारवाई करणेबाबत
आदेशित केले होते. त्यावरुन तपास पथकातील अधिकारी व अंमलदार यांनी बातमीचे ठिकाणी जावुन पाहणी केली असता मिळालेल्या बातमीप्रमाणेच एका महिलेच्या हालचाली संशयास्पद वाटल्याने सदर महिलेस महिला पोलिस शिपाई यांचे मदतीने ताब्यात घेवुन तिचेकडे चौकशी करुन तीला अटक करुन
तपासादरम्यान तिचेकडुन स्वारगेट पोलिस स्टेशन येथे दाखल असलेल्या ०४ गुन्हयामधील चोरीस गेलेला एकुण ६० ग्रॅम (०६ तोळे) वजनाचा ०३,६०,०००/- रु किंमतीचा सोन्याचे दागिन्यांचा मुद्देमाल हस्तगत करुन स्वारगेट पोलिस स्टेशन येथे दाखल असलेले एकुण ०४ गुन्हे उघड केले आहेत ते पुढीलप्रमाणे –
१) स्वारगेट पोलिस स्टेशन गुरनं ०३/२०२४ कलम ३७९ भादवि
२) स्वारगेट पोलिस स्टेशन गुरनं- ०६/२०२४ कलम ३७९ भादवि
३) स्वारगेट पोलिस स्टेशन गुरनं- १५/२०२४ कलम ३७९ भादवि
४) स्वारगेट पोलिस स्टेशन गुरनं १६/२०२४ कलम ३७९ भादवि

सदरची कामगिरी ही  प्रविणकुमार पाटील,अप्पर पोलिस आयुक्त, पश्चिम प्रादेशिक विभाग, पुणे शहर, मा. स्मार्तना पाटील,पोलिस उप-आयुक्त, परिमंडळ- २, पुणे शहर, नंदिनी वग्यानी सहा. पोलिस आयुक्त, स्वारगेट विभाग, पुणे शहर यांचे मार्गदर्शनाखाली पोलिस निरीक्षक(गुन्हे) तथा अतिरिक्त कार्यभार वरिष्ठ पोलिस निरीक्षक  चेतन मोरे, स्वारगेट पोलिस स्टेशन पुणे शहर यांच्या आदेशान्वये तपास पथकातील सहा. पोलिस निरीक्षक प्रशांत संदे, पोलिस उपनिरीक्षक अशोक येवले,पोशि संदीप घुले,अनिस शेख,शिवा गायकवाड, सोमनाथ कांबळे,फिरोज शेख,सुजय पवार,दिपक खेंदाड,रमेश चव्हाण, प्रविण गोडसे, मपोशि सुवर्णा सांगोलकर ,सुनिता घामगळ यांनी एकत्र मिळुन केली आहे.