माधवी लता पुन्हा वादाच्या भोवऱ्यात? मतदानकेंद्रावरील ‘हा’ व्हिडिओ आला समोर

हैदराबाद : हैदराबाद लोकसभा मतदारसंघातील भाजपच्या उमेदवार माधवी लता आपल्या कृतीने नव्या वादात सापडण्याची शक्यता आहे. माधवी लता यांचा मतदान केंद्रावर मुस्लिम महिलांना आपला बुरखा बाजूला उचला असे सांगतानाचा व्हिडिओ समोर आला आहे. या विरोधात एमआयएम पक्षाचे अध्यक्ष तथा उमेदवार असदुद्दीन ओवैसी यांनी निवडणूक आयोगात तक्रार देखील केली आहे.

हैदराबाद लोकसभेसाठी आज चौथ्या टप्प्यात मतदान पार पडत आहे. यावेळी माधवी लता यांनी अनेक मतदान केंद्रांना भेटी दिल्या आणि आझमपूर येथील मतदान केंद्रावर थांबल्या, तिथे त्यांनी महिलांचे ओळखपत्र तपासण्यास सुरुवात केली. व्हिडिओमध्ये दिसत असल्याप्रमाणे लता या बुरखा घातलेल्या महिलांना तिचा बुरखा उचलण्यास सांगत आहेत. या व्हिडिओमुळे माधवी लता पुन्हा वादाच्या भोवऱ्यात सापडण्याची शक्यता आहे.

लता यांनी मतदानकेंद्रावरील अधिकाऱ्यांना देखील ओळखपत्रे तपासल्यानंतरच मतदानाला परवानगी देण्याचा इशारा दिला आहे. आणि असा दावा केला आहे की, मतदार यादीत तफावत असून अनेक मतदारांची नावे गायब होती.

या प्रकाराबद्दल हैदराबाद जिल्हाधिकाऱ्यांनी सांगितले की, आम्ही लोकप्रतिनिधी कायद्याचे कलम 132 (मतदान केंद्रावरील गैरवर्तन) आणि आसपीसीच्या कलम १७१ सी (निवडणुकीत अवाजवी प्रभाव), १८६ (लोकसेवकाला अडथळा आणणे), ५०५(१)(सी) (उत्तेजित करण्याचा हेतू) या अंतर्गत लता यांच्याविरोधात मलकपेट पोलिस स्टेशनमध्ये गुन्हा दाखल केला आहे.
निधी अल्पसंख्याकांना दिला , केंद्रीय गृहमंत्री अमित शहा यांचा सोनिया गांधींवर आरोप
हा व्हिडिओ सोशल मीडियावर व्हायरल होताच, ‘एक्स’वर पोस्ट करत म्हणाल्या की, “माझ्या लक्षात आले आहे की, माझा एक व्हिडिओ नकारात्मकता निर्माण करण्यासाठी मीडियामध्ये प्रसारित केला जात आहे. मी स्पष्ट करू इच्छिते की, हे एक अपूर्ण दृश्य आहे तरीही अशा व्हिडिओमुळे कोणाच्याही भावना दुखावल्या गेल्या असतील तर मी माफी मागते. मी सर्व व्यक्तींचा आदरच करते.