रेती चोरी प्रकरणी चंद्रपूर गुन्हे शाखेची धडक कारवाई; लाखोंचा मुद्देमाल जप्त…

रेती चोरी प्रकरणी चंद्रपूर गुन्हे शाखेची धडक कारवाई; लाखोंचा मुद्देमाल जप्त…

चंद्रपूर (प्रतिनिधी) – मिळालेल्या गुप्त माहितीवरून पो.स्टे.वरोरा हद्दीतील करंजी नदी घाटातुन चोरीची रेती वाहतुक करणा-या चार ट्रॅक्टर सहीत 24,20,000/- रुपयांचा मुद्देमाल जप्त करण्यात चंद्रपूर गुन्हे शाखेला यश मिळाले आहे. सदरच्या कारवाईत एकुण 04 ब्रास रेती किं.20,000/- रु. व 04 ट्रॅक्टर किं.24,00,000/- असा एकुण 24,20,000/-रु. (चोवीस लाख विस हजार रुपये) किं.चा मुद्देमाल जप्त करण्यात आला आहे.

या बाबत अधिक माहिती अशी की, पोलीस अधिक्षक मुम्मका सुदर्शन चंद्रपुर यांचे आदेशान्वये चंद्रुपर जिल्ह्यामध्ये अवैध धंद्यावर कडक कारवाई करण्याचे आदेश स्थानिक गुन्हे शाखा यांना दिले होते. त्या अनुषंगाने पोनि.महेश कोंडावार स्थागुशा, चंद्रपुर यांच्या पथकाने पोस्टे. वरोरा येथे पेट्रोलिंग करीत असता (दि.13 मे) रोजी गोपनीय बातमीदारा कडुन माहिती मिळाली की, काही ईसम ट्रॅक्टरने अवैधरित्या करंजी येथील वर्धा नदी घाटातुन ट्रॅक्टरने रेतीची वाहतुक करुन वरोरा शहरात विक्री करणार आहेत अशा मिळालेल्या खबरेवरुन सकाळी 07.00 वा. दरम्यान करंजी नदी घाट ते करंजी गावाकडे येणा-या रोडवर नाकाबंदी करीत असता चार वेगवेगळ्या ट्रॅक्टर व ट्रॉली थांबवुन चारही ट्रॅक्टर व ट्रॉलीचा पंचासमक्ष पाहणी केली असता चारही ट्रॅक्टर च्या ट्रॉलीमध्ये अंदाजे चार ब्रास रेती मिळून आली. वर नमुद ट्रॅक्टर चे चालकास रेती वाहतुकीचा परवाना (रॉयल्टी) बाबत विचारले असता त्याचे जवळ रेती वाहतुकीचा परवाना नसुन त्याने ती रेती करंजी वर्धा नदीघाट येथुन चोरुन आणुन वरोरा शहरात विकण्याकरीता घेवुन जात असल्याचे सांगितले. सदरच्या कारवाईत एकुण 04 ब्रास रेती किं.20,000/- रु. व 04 ट्रॅक्टर किं.24,00,000/- असा एकुण 24,20,000/-रु. (चोवीस लाख विस हजार रुपये) चा मुद्देमाल जप्त करुन चालक नामे चालक नामे 1) अनिल अशोक शेंदरे (वय 30 वर्षे) रा.एकार्जुना ता.वरोरा 2) प्रविण शेषराव उरकुडे (वय 33 वर्षे) रा.करंजी ता.वरोरा 3) आशिष यशवंत थेरे (वय 28 वर्षे) रा.एकार्जुना ता.वरोरा 4) तुषार भास्कर माथनकर (वय 22 वर्षे) रा.करंजी ता. वरोरा व मालक नामे 5) अमोल गजानन पारोधे (वय 40 वर्षे) रा.एकार्जुना ता.वरोरा 6) सुजित देविदास कष्ठी (वय 50 वर्षे) रा.करंजी ता.वरोरा 7) जाकीर रसुल शेख (वय 40 वर्षे) रा.चिरघर प्लॉट, वरोरा 8) निलेश अण्णाजी मिलमिले (वय 28 वर्षे) रा.करंजी, ता.वरोरा यांचेविरुध्द पो.स्टे. वरोरा येथे विविध कलमां अंतर्गत गुन्हा नोंद करुन जप्त मुद्देमाल व आरोपी यांना पुढील तपासकामी पो.स्टे. वरोरा यांचे ताब्यात देण्यात आले.

अशा प्रकारे उपरोक्त कारवाई पोलीस अधिक्षक मुम्मका सुदर्शन अप्पर पोलीस अधिक्षक रिना जनबंधु यांचे मार्गदर्शनाखाली पोनि. महेश कोंडावार यांचे नेतृत्वात पोउपनि विनोद भुरले, पोहवा धनराज करकाडे, स्वामीदास चालेकर, गजानन नागरे, अजय बागेसर, पोअं. प्रशांत नागोसे, चापोहवा दिनेश अराडे स्थागुशा चंद्रपुर यांनी यशस्वीरीत्या केली आहे.