…तर अमित ठाकरेंचं नुकसान होईल असं त्यांना वाटतं, फडणवीसांनी सरवणकरांच्या मनातलं सांगितलं

‘एका वृत्तवाहिनीच्या कार्यक्रमात राज्यात पुन्हा युतीची सत्ता येईल आणि भाजपचा मुख्यमंत्री होईल,’ असे राज ठाकरे म्हणाले. त्यानंतर त्यांनी पाच सेकंद थांबून, ‘मनसेच्या साथीने,’ अशी पुस्ती जोडली. ‘महाराष्ट्रात भाजपचा मुख्यमंत्री मनसेच्या साथीने होईल,’ असे राज ठाकरे म्हणाले. ‘मनसे पुढील सरकारमध्ये असेल, आमचे नेते सत्तेत असतील,’ याचा पुनरुच्चारही राज यांनी या वेळी केला. त्यानंतर थोड्याच वेळात उपमुख्यमंत्री देवेंद्र फडणवीस यांनी त्यांच्या इन्स्टाग्राम स्टोरीवर राज ठाकरेंसोबतचा फोटो ठेवला. या फोटोसोबत त्यांनी सरकार चित्रपटातील साम, दाम, दंड, भेद गाणेही वापरले आहे. त्यामुळे फडणवीसांच्या या स्टोरीची जोरदार चर्चा सुरू झाली आहे.
Amit Thackeray : माहीममध्ये अमित ठाकरेंचं वजन वाढलं? भाजप मनसेचा प्रचार करण्याचे संकेत, सरवणकरांची कोंडी
विधानसभा निवडणुकीच्या जागावाटपात राज ठाकरे आणि देवेंद्र फडणवीस यांच्यात चांगलेच सूत जुळल्याचे बोलले जात आहे. राज ठाकरे यांनी दादर-माहीम मतदारसंघातून त्यांचे पुत्र अमित ठाकरे यांची उमेदवारी जाहीर केल्यानंतर फडणवीस यांनी लागलीच त्याला संमती दिली होती. या मतदारसंघातून मुख्यमंत्री एकनाथ शिंदे यांनी त्यांचे विद्यमान आमदार सदा सरवणकर यांची उमेदवारी मागे घ्यावी, यासाठीही फडणवीस प्रयत्नशील होते. त्यांनी शिंदे यांच्याशीही संवाद साधत यातून मार्ग काढण्याबाबत चर्चा केली होती. त्यामुळे आता राज ठाकरे यांनी राज्यात पुढचा मुख्यमंत्री भाजपचा होईल, असे म्हणणे तसेच त्यानंतर फडणवीस यांनी त्यांच्या इन्स्टाग्रामवर लगेचच राज ठाकरे यांच्यासोबतचा फोटो शेअर करणे यामागे राजकीय निरीक्षकांनी संबंध जोडण्यास सुरुवात केली आहे.

अमित ठाकरेंना मदतीची भूमिका

‘दादर माहीम विधानसभा मतदारसंघात मनसेच्या अमित ठाकरेंना मदत केली पाहिजे, असे स्पष्ट मत भाजपचे होते. राज ठाकरे यांनी लोकसभा निवडणुकीत पाठिंबा दिला होता. एका जागेवर ते मदत मागत असतील तर दिली पाहिजे, असे आमचे मत आहे. मुख्यमंत्र्यांचे मत यापेक्षा वेगळे असे नाही. यासंदर्भात मी स्वत: मुख्यमंत्री शिंदे यांच्याकडे गेलो होतो. एखाद्या जागेची अदलाबदल करून घेऊ, आमची एखादी जागा घेऊन तुम्ही दादर माहीममध्ये माघार घेण्याचा प्रयत्न करू शकता, तसा त्यांनी प्रयत्नही केला.
C Voter Survey Maharashtra : मुख्यमंत्रिपदासाठी कुणाला पसंती? फडणवीस तिसऱ्या नंबरवर, शरद पवारांना दादांहून अधिक मतं, टॉपवर कोण?
तिथले जे उमेदवार आहेत त्यांना बोलावून घेतले, मात्र त्यांच्या पक्षातील नेत्यांचे असे मत होते की, आमचा उमेदवार लढला नाही तर ती मते ठाकरे गटाकडे जातील, त्यातून दोघांचेही नुकसान होईल’, असे फडणवीस यांनी सांगितले. भविष्यात पक्ष देईल ती जबाबदारी स्वीकारून मी काम करेन. महायुती ज्याला मुख्यमंत्री ठरवेल, त्याच्या पाठिशी मी ठामपणे उभा राहीन, असे ते म्हणाले.