दिशा सालियान मृत्यू प्रकरण, आदित्य ठाकरेंवरील आरोपांवर अमित पहिल्यांदाच बोलले

आमची आता मैत्री आणि संवाद नाही, समोर आल्यावर हाय बोलेल पण संवाद होणार नाही. २०१७ वेळी खरं काय आणि खोटं काय हे आम्ही पाहिलेलं आहे. आम्ही परिवार आणि नाती म्हणून पथ्य पाळतो, मला पण वाटतं आदित्यचा दिशा सालियान प्रकरणामध्ये समावेश नसेल. मर्डरवगरे लेव्हलला तो जाईल असं मला वाटत नाही, हे माझं मत आहे, असं अमित ठाकरे यांनी म्हटलं आहे.

आमच्या पक्षाची बैठक सुरू होती तेव्हा मला वाटलं की माझा कुठे फायदा होणार असेल तर मी तयार असल्याचं सांगितलं. मलासुद्धा यादी येईपर्यंत माहित नव्हतं की माहीममधून लढणार आहे. हा निर्णय साहेबांचा (राज ठाकरे) होती. मला अपेक्षा होती उद्धव ठाकरे उमेदवार देतील. साहेब नाती जपण्याचा निर्णय घेतात, आम्ही यावर्षीसुद्धा उमेदवार देणार नव्हतो पण कुठेही काम दिसलं नाही, लोकांमध्ये नाराजी आहे. त्यामुळे तिथे आम्ही वरळीमध्ये उमेदवार देण्याचा निर्णय घेतल्याचं अमित ठाकरेंनी सांगितलं.

कोण समोर असेल नसेल माझी तयारी आहे. जर राज्याचे उपमुख्यमंत्री माझ्याबद्दल बोलत असतील तर माझ्यासाठी मोठी गोष्ट आहे. राज ठाकरेंनी पाठिंबा दिला तेव्हा मला काय राज ठाकरेंनाही माहिती नव्हतं की मी निवडणुकीला उभा राहणार आहे. त्यामुळे लोकसभेला परतफेड मिळावी म्हणून पाठिंबा दिलेला नव्हता, असंही अमित ठाकरे म्हणाले.