राज ठाकरेंची दोन विधानं शिंदेंना खटकली; माहीममधून माघार न घेण्यावर ठाम, आता थेट आर या पार

उपमुख्यमंत्री देवेंद्र फडणवीस, प्रदेशाध्यक्ष चंद्रशेखर बावनकुळे, पक्षाचे महासचिव विनोद तावडे यांनी मुख्यमंत्री एकनाथ शिंदेंकडे सरवणकर यांची उमेदवारी मागे घ्यावी यासाठी बरेच प्रयत्न केले आहेत. सरवणकरांनी माघार घ्यावी यासाठी शिंदेंनी सुरुवातीला प्रयत्न केले. पण त्यानंतर त्यांचा सूर बदलला आहे. सरवणकर यांनी माघार घेऊ नये यासाठी आता मुख्यमंत्रीच जोर लावत असल्याचं चित्र आहे.
Nawab Malik: त्रिशंकू स्थिती निर्माण झाल्यास अजितदादा…; मलिकांचं महत्त्वाचं भाकीत, NCP कोणत्या विचारात?
‘मी राज ठाकरेंसोबत निवडणूक रणनीतीबद्दल चर्चा केली होती. त्यावर आधी महायुतीमधील तीन पक्षांचं काय ते ठरु दे, असं उत्तर त्यांनी दिलं. मग त्यांनी अचानक त्यांचे उमेदवारच घोषित केले. मी सरवणकर यांच्याशी याबद्दल बोललो. शिवसैनिक आणि नेत्यांचं ऐकायला हवं असं मला वाटतं. पक्षाच्या कार्यकर्त्यांचं मनोबल खच्ची होता कामा नये,’ अशा शब्दांत शिंदेंनी त्यांची भूमिका मांडली.
Eknath Shinde: भाजपचा दबाव, तरीही शिंदेंचा आमदार लढण्यावर ठाम; भाई मोठ्या भावाला इतके का भिडताहेत? ५ मुद्दे
सरवणकर यांनी माघार घ्यावी यासाठी शिंदेंनी सुरुवातीला प्रयत्न केले. पण गेल्याच आठवड्यात राज ठाकरेंनी एका वृत्तवाहिनीला दिलेल्या मुलाखतीत केलेलं एक विधान शिंदेंना खटकलं. पुढील मुख्यमंत्री भाजपचा होईल, असं राज म्हणाले होते. राज यांच्या विधानामुळे भाजप आणि मनसेची जवळीक वाढत असल्याची चाहूल शिंदेंना लागली. भाजपच्या मागणीवरुन शिवसेनेनं आपली हक्काची जागा मनसेसाठी का सोडायची, असा विचार पक्षात झाला. त्यामुळे आता सरवणकर यांच्या पाठोपाठ शिंदेही माहीमबद्दल ठाम आहेत.

राज ठाकरेंनी मुलाखतीत केलेलं आणखी एक विधान शिंदेंना खटकलं. माझ्या पक्षाला मिळालेलं निवडणूक चिन्ह मतदारांनी मतदान केल्यानं मिळालेलं आहे. ते मी ढापलेलं नाही. मतदारांच्या आशीर्वादातून ते चिन्ह मिळालं आहे. कोर्टानं ते चिन्ह मला दिलेलं नाही, अशा शब्दांत राज यांनी टोलेबाजी केली होती. त्यांनी नाव न घेता केलेली टीका मुख्यमंत्र्यांच्या जिव्हारी लागली.