Tej Police Times, The first and leading Marathi news web portal of Maharashtra, provides the hard core news to Maharashtrians in their own language. It also has a varied programming mix having Politics, Sports, Entertainment news coverage
विनायक राऊत हॅट्रिक करणार की महायुती बाजी मारणार? रत्नागिरी सिंधुदुर्गची संपूर्ण समीकरणे वाचा…
रत्नागिरी : रत्नागिरी जिल्हा हा दोन लोकसभा मतदारसंघांमध्ये विभागला गेला आहे. उत्तर रत्नागिरीतील दापोली व गुहागर हे दोन विधानसभा मतदारसंघ रायगड लोकसभा मतदारसंघात येतात तर चिपळूणपासून पुढे अगदी सावंतवाडीपर्यंत सगळे विधानसभा मतदारसंघ रत्नागिरी- सिंधुदुर्ग लोकसभा मतदारसंघात येतात. आताचा रत्नागिरी सिंधुदुर्ग लोकसभा मतदारसंघ हा पूर्वीचा राजापूर मतदारसंघ होता. २००८ साली मतदार संघाच्या पुनर्रचनेनंतर हा मतदारसंघ रत्नागिरी-सिंधुदुर्ग लोकसभा मतदारसंघ म्हणून ओळखला जाऊ लागला. पूर्वीच्या राजापूर मतदारसंघावरती १९९१ पर्यंत समाजवादी व कॉंग्रेसचे वर्चस्व होते. मात्र १९९६ पासून या मतदारसंघावर शिवसेना भाजपचं कायमच वर्चस्व राहिलं आहे.
रत्नागिरी सिंधुदुर्ग लोकसभा मतदारसंघात चिपळूण, रत्नागिरी व राजापूर हे रत्नागिरी जिल्ह्यातील तीन महत्त्वाचे विधानसभा मतदारसंघात येतात. सिंधुदुर्ग जिल्ह्यातील मालवण-कुडाळ, कणकवली, देवगड व सावंतवाडी हे दोन मतदारसंघ येतात. २००९ साली काँग्रेसचे माजी खासदार निलेश राणे हे इथून खासदार झाले. हा अपवाद वगळता मतदारसंघात शिवसेनेचेच वर्चस्व राहिलं आहे. शिवसेना व काँग्रेस या दोघांमध्येच आजवर सरळ लढत झाली. केंद्रीय मंत्री नारायण राणे हे भाजपमध्ये आल्यावर या मतदारसंघातील गणिते बदलली आहेत. त्यामुळे या लोकसभा मतदारसंघातून उमेदवारी मिळविण्यासाठी शिवसेना व भाजप यांच्यामध्येच स्पर्धा सुरू असल्याचे चित्र आहे. सिंधुदुर्ग जिल्ह्यात केंद्रीय मंत्री नारायण राणे यांची मोठी ताकद आहे. तर रत्नागिरी जिल्ह्यात मंत्री उदय सामंत यांचं वर्चस्व असले तरीही राणे यांचा रत्नागिरी जिल्ह्यातही मोठा संपर्क आहे. दुसरीकडे शिवसेना ठाकरे गटाचे खासदार विनायक राऊत तिसऱ्यांदा खासदार होण्यासाठी पूर्ण ताकदीने प्रयत्न करतायेत. त्यांची उमेदवारीही फिक्स मानली जातीये.
रत्नागिरी सिंधुदुर्ग लोकसभा मतदारसंघात चिपळूण, रत्नागिरी व राजापूर हे रत्नागिरी जिल्ह्यातील तीन महत्त्वाचे विधानसभा मतदारसंघात येतात. सिंधुदुर्ग जिल्ह्यातील मालवण-कुडाळ, कणकवली, देवगड व सावंतवाडी हे दोन मतदारसंघ येतात. २००९ साली काँग्रेसचे माजी खासदार निलेश राणे हे इथून खासदार झाले. हा अपवाद वगळता मतदारसंघात शिवसेनेचेच वर्चस्व राहिलं आहे. शिवसेना व काँग्रेस या दोघांमध्येच आजवर सरळ लढत झाली. केंद्रीय मंत्री नारायण राणे हे भाजपमध्ये आल्यावर या मतदारसंघातील गणिते बदलली आहेत. त्यामुळे या लोकसभा मतदारसंघातून उमेदवारी मिळविण्यासाठी शिवसेना व भाजप यांच्यामध्येच स्पर्धा सुरू असल्याचे चित्र आहे. सिंधुदुर्ग जिल्ह्यात केंद्रीय मंत्री नारायण राणे यांची मोठी ताकद आहे. तर रत्नागिरी जिल्ह्यात मंत्री उदय सामंत यांचं वर्चस्व असले तरीही राणे यांचा रत्नागिरी जिल्ह्यातही मोठा संपर्क आहे. दुसरीकडे शिवसेना ठाकरे गटाचे खासदार विनायक राऊत तिसऱ्यांदा खासदार होण्यासाठी पूर्ण ताकदीने प्रयत्न करतायेत. त्यांची उमेदवारीही फिक्स मानली जातीये.
कोणत्या विधानसभा मतदारसंघात कोण आमदार?
सिंधुदुर्ग जिल्ह्यातील कुडाळ मालवण मतदारसंघ हा ठाकरे गटाचे आमदार वैभव नाईक यांच्या ताब्यात आहे. तर कणकवली-देवगड हा मतदारसंघ भाजपच्या ताब्यात असून नितेश राणे या मतदारसंघाचे आमदार आहेत. सावंतवाडी विधानसभा मतदारसंघात मुख्यमंत्री एकनाथ शिंदे यांच्या शिवसेनेचे दीपक केसरकर आमदार आहेत. रत्नागिरी जिल्ह्यात लांजा राजापूर मतदारसंघ ठाकरे गटाचे आमदार राजन साळवी यांच्याकडे आहे. रत्नागिरी विधानसभा मतदारसंघ हा विद्यमान मंत्री उदय सामंत यांचा आहे तर चिपळूण संगमेश्वर मतदारसंघ अजित दादांच्या राष्ट्रवादीचे आमदार शेखर निकम यांच्या ताब्यात आहे. एकंदरच या लोकसभा मतदारसंघात शिवसेना भाजपा राष्ट्रवादी या महायुतीचे वर्चस्व आहे. या लोकसभा मतदारसंघात येणाऱ्या सहा विधानसभा मतदारसंघातील केवळ दोनच मतदारसंघ हे ठाकरे गटाकडे आहेत.
वेध लोकसभा निवडणुकीचा : तीन राज्यांच्या विजयाने मनोबल उंचावले तरी भाजपसाठी सोपी नसेल पुणे लोकसभा!
कुणाची नावे चर्चेत?
या सगळ्या पार्श्वभूमीवर या लोकसभा मतदारसंघातून शिवसेनेकडून उदय सामंत यांचे मोठे बंधू किरण उर्फ भैय्या सामंत यांचे नाव चर्चेत आहे तर भाजपाकडून प्रमोद जठार व विद्यमान मंत्री रवींद्र चव्हाण ही दोन नावं चर्चेत आहेत. भाजपकडून या लोकसभा मतदारसंघावरती दावा करण्यात आला आहे. या लोकसभा मतदारसंघातून कोणाला उमेदवारी मिळणार याकडे सगळ्यांचे लक्ष लागून राहिलं आहे. मात्र या लोकसभा मतदारसंघात महायुतीच्या कार्यकर्त्यांनी काम केल्यास उमेदवार बाजी मारू शकतो अशी परिस्थिती आहे. या लोकसभा मतदारसंघात राष्ट्रवादीच्या तुलनेत शिवसेना-भाजपची ताकद ही मोठी आहे.
वेध लोकसभा निवडणुकीचा : कल्याण सर्वाधिक चर्चेत, २०२४ च्या निवडणुकीत काय होणार?
रत्नागिरी सिंधुदुर्ग लोकसभा मतदारसंघ हा मतदार संघ विभाजनाच्या पूर्वी म्हणजेच २००८ च्या पूर्वी राजापूर मतदार संघ होता. मतदार संघाच्या पुनर्रचनेनंतर या लोकसभा मतदारसंघाची आता व्याप्ती वाढली असून याचा विस्तार आता चिपळूणपर्यंत झाला आहे. रत्नागिरी जिल्ह्यातील दापोली व गुहागर हे दोन विधानसभा मतदारसंघ हे रायगड लोकसभा मतदारसंघात जोडण्यात आले आहेत.
वेध लोकसभा निवडणुकीचा : अहमदनगरमध्ये उमेदवारीसाठी सत्ताधाऱ्यांमध्येच चुरस, प्रत्यक्ष निवडणुकीत काय होणार?
आतापर्यंत कुणीकुणी प्रतिनिधित्व केलं?
१९५२ साली काँग्रेसचे मोरेश्वर दिनकर जोशी ,१९५७ ते १९६७ समाजवादी विचारांचे बॅरिस्टर नाथ पै यांनी विजयाची हॅट्रिक नोंदवली. त्यानंतर १९७१, १९७७, १९८०, १९८४, १९८९ असे तब्बल सहा टर्म माजी केंद्रीय मंत्री व कोकण रेल्वेचे भाग्यविधाते मधु दंडवते यांनी राजापूर लोकसभा मतदारसंघाचे प्रतिनिधित्व केलं.
कोल्हापूरच्या जागेवरुन तिढा, मविआच्या तिन्ही पक्षांची दावेदारी, उमेदवार कोण असणार? महायुतीमध्येही संभ्रम
१९९१ साली काँग्रेसचे सुधीर सावंत निवडून आले. १९९६ व १९९८, १९९९, २००४ साली माजी केंद्रीय मंत्री सुरेश प्रभू या यांनी या मतदारसंघाचे तब्बल चार वेळा प्रतिनिधित्व केलं. २००९ साली मतदार संघाच्या पुनर्रचनेनंतर रत्नागिरी सिंधुदुर्ग लोकसभा मतदारसंघाचे काँग्रेसचे निलेश राणे हे खासदार झाले. २०१४ व २०१९ साली शिवसेनेच्या ठाकरे गटाचे विद्यमान खासदार विनायक राऊत हे या मतदारसंघाचे खासदार आहेत. हा मतदारसंघ अनेक दिग्गज नेत्यांचा राहिला आहे. त्यामुळे या मतदारसंघातून आता उमेदवार कोण असेल यावरच येथील विजयाची गणिते सरळ सरळ अवलंबून असतील.