घरात घुसून मैत्रिणीवर कोयत्याने वार…

घरात घुसून मैत्रिणीवर कोयत्याने वार…

पिंपरी (प्रतिनिधी)- मोबाईल दिला नाही म्हणून मित्रानेच घरात घूसुन मैत्रिणीवर कोयत्याने वार केल्याची घटना काळेवाडी येथे सोमवारी (दि.५) रोजी दुपारी घडली. या प्रकरणी तरुणीने वाकड पोलीस ठाण्यात फिर्याद दिली त्या नुसार दिलेल्या फिर्यादीवरून अविनाश शिवाजी लोखंडे (वय ३०वर्षे, रा. गुळवे वस्ती, भोसरी) याच्यावर गुन्हा दाखल करण्यात आला आहे.

फिर्यादी तरूणी तिच्या मावस बहिणीच्या घरी असताना आरोपी घरात घुसला. फिर्यादी मोबाईलवर बोलत असताना आरोपीने कोणाशी बोलत आहेस, म्हणून मोबाईल घेण्याचा प्रयत्न केला. यावेळी फिर्यादीने मोबाईल देण्यास नकार दिला. याचा राग येवून आरोपीने त्याच्या जवळील कोयत्याने फिर्यादीच्या गळ्यावर वार करून जीवे मारण्याचा प्रयत्न केला. तसेच, तरूणीची मावस बहीण सोडविण्यास आली असता तिच्या गालावर कोयत्याने वार करत जखमी केल्याचे पोलिसांनी सांगितले.

The post घरात घुसून मैत्रिणीवर कोयत्याने वार… appeared first on Policekaka Crime Beat News 24X7.