शरद पवारांच्या राष्ट्रवादीतील पहिल्या, दुसऱ्या यादीत ६७ पैकी इतक्या ‘लाडक्या बहिणी’, पाहा संपूर्ण यादी

मागील वर्षी राष्ट्रवादीच्या गटात फूट पडली. त्यानंतर अजित पवारांच्या नेतृत्तावाखाली जवळपास ४० मातब्बर आमदारांनी शरद पवारांची साथ सोडली होती. त्यानंतर आता यंदाच्या २०२४ च्या निवडणुकीत राष्ट्रवादीचं दोन गटात विभाजन होऊन शरद पवार आणि अजित पवार यांनी राष्ट्रवादीतून वेगवेगळे उमेदवार दिले आहेत.

राजकारणात महिलांना ३३ टक्के आरक्षण आहे. २०१९ च्या विधानसभा निवडणुकीत राष्ट्रवादीकडून ८ महिलांना तिकीट दिलं होतं. यंदा शरद पवारांच्या राष्ट्रवादीकडून ६७ जणांच्या पहिल्या आणि दुसऱ्या यादीत एकूण १० महिलांना विधानसभेसाठी संधी देण्यात आली आहे.
भाजपच्या पहिल्या यादीत ९९ पैकी इतक्याच ‘लाडक्या बहिणी’, पाहा संपूर्ण यादी

शरद पवारांच्या राष्ट्रवादीतील पहिल्या आणि दुसऱ्या यादीतील एकूण ६७ जणांच्या यादीमध्ये महिला उमेदवार कोण?

मुक्ताईनगर- रोहिणी खडसे
अहेरी- भाग्यश्री अत्राम
घाटकोपर पूर्व- राखी जाधव
पारनेर- राणी लंके
दिंडोरी- सुनीता चारोसकर
पर्वती- अश्विनी कदम
आर्वी- मयुरा काळे
बागलाण- दीपिका चव्हाण
चंदगड- नंदिनीताई कुपेकर
पिंपरी- सुलक्षणा शिलवंत
राष्ट्रवादी शरद पवारांच्या पक्षाची दुसरी यादी जाहीर; २२ मतदारसंघातील उमेदवारांची घोषणा, तिसऱ्या यादीबाबत जयंत पाटलांचे मोठे वक्तव्य
मागील २०१९ च्या विधानसभा निवडणुकीत सत्तारुढ असलेल्या भाजप आणि शिवसेने युती आणि विरोधक असलेल्या काँग्रेस – राष्ट्रवादी काँग्रेसकडून एकूण ४६ महिलांना निवडणुकीच्या रिंगणात उतरवण्यात आलं होतं. महिलांना राजकारणात असलेल्या ३३ टक्के आरक्षणानुसार एकूण ९५ महिला आमदार होतात, मात्र महिला उमेदवारांची एकूण संख्या कमी आहे.

दरम्यान, निवडणूक आयोगाकडून महाराष्ट्रात विधानसभेसाठी तारखा जाहीर करण्यात आल्या. राज्यात २० नोव्हेंबर रोजी मतदार होणार असून २३ नोव्हेंबर मतमोजणी होणार आहे.